17 milljónir á Bessastaði

Kostnaður við að bæta öryggisráðstafanir á Bessastöðum nemur um 17 milljónum króna og verður greiddur úr ríkissjóði. Þetta kemur fram í breytingartillögum meirihluta fjárlaganefndar við þriðju umræðu um fjáraukalagafrumvarpið. Felst þetta einkum í uppsetningu á öryggishliði og öryggismyndavélum.
Í breytingartillögunum er lagt til að Umboðsmaður barna fái 5 milljón króna framlag vegna námsvefs um Barnasáttmála Sameinuðu þjóðanna. 100 milljónir til viðbótar fara í fullorðinsfræðslu og símenntun og uppsafnaður rekstrarhalli Lögreglustjórans á Suðurnesjum verður felldur niður. Þá fá einstök hjúkrunarheimili auka framlag til að mæta rekstrarhalla og 130 milljónum verður varið til að styrkja rekstrarstöðu Flugstoða ohf. en í greinargerð segir að fyrirtækið hafi ekki náð nægilega góðri afkomu í starfsemi sl. tvö ár.
Þá fær jöfnunarsjóður sveitarfélaga 239 milljónum krónum hærra framlag og Fjármálaeftirlitið fær 549 milljónir til að mæta auknum kostnaði vegna neyðarlaganna.

• 2 blogg um fréttina

Bloggað um fréttina

• Jón Snæbjörnsson: Er þetta forgangsmál
• Sigurbjörg: Það var þá !