Ljósmæður og hjúkrunarfræðingar styrktir til framhaldsnáms

Í dag var stofnaður nýr styrktarsjóður við Háskóla Íslands, sem veitir styrki til nemenda í framhaldsnámi í ljósmóður- og hjúkrunarfræðum. Stofnframlagið er 25 milljónir króna sem er gjöf frá Soffíu Þuríði Magnúsdóttur sem arfleiddi Háskóla Íslands að meginhluta eigna sinna. 

Fram kemur í tilkynningu frá HÍ að nýi sjóðurinn nefnist Minningarsjóður Bjargar Magnúsdóttur ljósmóður og Magnúsar Jónassonar bónda. Undirritun stofnskrárinnar fór fram í dag í Aðalbyggingu Háskóla Íslands, en þá tók Kristín Ingólfsdóttir, rektor Háskólans, við stofnfé sjóðsins að upphæð 25 milljónir króna.

Minningarsjóður Bjargar Magnúsdóttur og Magnúsar Jónassonar er stofnaður af dóttur þeirra hjóna, Soffíu Þuríði Magnúsdóttur samkvæmt fyrirmælum í erfðaskrá hennar. Tilgangur sjóðsins og markmið er að styrkja ljósmæður og hjúkrunarfræðinga til framhaldsnáms.

• 3 blogg um fréttina

Bloggað um fréttina

• Sigurbjörg: Smá ljóstýratýra í öllum þessum niðurskurði
• Dögg Pálsdóttir: Ánægjuleg stund
• S i g u r ð u r S i g u r ð a r s o n: Til minningar um yndislegt fólk