Álafosskvos í Mosfellsbæ. Brynjar Gauti

        Vinnuhópur húseigenda í Álafosskvosinni og Mosfellsbæjar hefur á seinustu mánuðum unnið með landslagsarkitekti við gerð nýs deiluskipulags, segir í fréttatilkynningu.  Ljóst sé að þær framkvæmdir sem nú standa yfir séu gerðar að ósk meirihluta húseigenda í Álafosskvos.

 ,,Í þeirri vinnu hefur verið eitt mesta vandamálið að finna góða tengingu fyrir nýjan Álafossveg og er það vandamál tilkomið þar sem að ekki var vilji til að vinna deiluskipulag Helgafellsvegar og Álafossvegar saman.

Vinnuhópurinn hefur orðið sammála um að sú tenging sem nú er unnið að sé sú skásta af öllum þeim  slæmum kostum sem í boði eru.
En sú leið verður ekki gerleg nema að Helgafellsvegur verði lækkaður, hitalögn verði sett í veginn og umferðaljós verði komið fyrir við gatnamótin.

                Þann 25. október síðastliðinn var haldinn fundur með húseigendum í Álafosskvos þar sem meðal annars þessi leið var útlýst. Voru nánast allir sem fundin sátu sammála um að ekki væri betri kostir í stöðunni þeir sem að ekki voru sammála gátu ekki bennt á annan kost. Í ljósi þess var talað um að ýta á eftir því við bæjaryfyrvöld að gangast í að gera umrædda tengingu þar sem núverandi vegur er með öllu ótækur og einungis tímaspursmál hvenær slys verði á honum.

 Mikil pressa var gerð á Mosfellsbæ að vinna ekki verkið til bráðabirgða heldur endanlega og á þeim tíma sem umferð væri minnst. Þannig að ljóst er að þær framkvæmdir sem nú standa yfir eru gerðar að ósk mikils meirhluta húseigenda í Álafosskvos."