Ómar Óskarsson

Orkuveita Reykjavíkur hefur að vanda verulegan viðbúnað til þess að tryggja  þjónustu við viðskiptavini um  jólin. Vakt er á varðstofu Orkuveitunnar allan sólarhringinn alla daga ársins, en um hátíðarnar er fjölgað á vöktunum og fleiri eru í viðbragðstöðu.

Á aðfangadag og fram á jólanótt verður vakt  í Kerfisstjórn Orkuveitunnar og sjö viðbragðsteymi úti í hverfum tilbúnin að grípa inn í ef eitthvað kemur upp á.

Teymin verða á Kjalarnesi  og í Mosfellsbæ, í Árbæjarhverfi, í Kópavogi og Garðabæ, í Breiðholtshverfi, í Grafarvogi, í Vesturbæ og á Seltjarnarnesi og í Sunda- og Vogahverfi.

Eins eru bakvaktir um jólin fyrir  heitt og kalt vatn á Vesturlandi og fyrir rafmagn á Akranesi.

Sími á Bilanavakt Orkuveitu Reykjavíkur er 516 6200.