Unnið við vegagerð á Lyngdalsheiði í sumar. Picasa 2.7

Verktakim sem er að leggja nýja veg við Lyngdalsheiði, kærði þjófnað á dísilolíu af fimm vörubílum, sem notaðar eru við vegagerðina.  Samtals mun hafa verið stolið 2300 lítrum af ólitaðri olíu. 

Lögreglan á Selfossi segir, að þjófnaðurinn hafi átt sér stað helgina 3. til 5. janúar og allt bendi til að þjófurinn hefur notast við rafmagnsdælu til að ná olíunni af bifreiðunum.  Ekki er vitað hvort olíunni hefur verið stolið í einni ferð eða fleirum. 

Lögreglu á Selfossi bárust í síðustu viku átta kærur vegna  þjófnaðar. Meðal annars var brotist inn í tvö gróðurhús, í Hveragerði og Laugarási og stolið lömpum og perum.

Þá var brotist inn í kökuhús Vilbergs við Tryggvagötu á Selfossi aðfaranótt sunnudags og þaan var stolið um 15.000 krónu skiptimynt.

Allir sem geta veitt upplýsingar um málin eru beðnir um að setja sig í samband við lögreglu í síma 480 1010.