Yfir 11.300 skráðir atvinnulausir

Alls eru 11.305 skráðir atvinnulausir hjá Vinnumálastofnun. Þar af eru 7.101 karl á atvinnuleysisskrá en 4.204 konur. Á höfuðborgarsvæðinu eru tæplega sjö þúsund manns á atvinnuleysisskrá, samkvæmt vef Vinnumálastofnunar.

Skráð atvinnuleysi í desember 2008 var 4,8% eða að meðaltali 7.902 manns og eykst atvinnuleysi um 45% að meðaltali frá nóvember eða um 2.458 manns.  Atvinnuleysi hefur ekki verið jafn mikið frá því í janúar árið 1997. Á sama tíma á árinu 2007 var atvinnuleysi 0,8%, eða 1.357 manns.

Gert er ráð fyrir áframhaldandi samdrætti í mörgum atvinnugreinum einkum verslun, mannvirkjagerð  og þjónustugreinum á næstu mánuðum auk þess sem mörg minni fyrirtæki eiga við mikinn fjárhagsvanda að stríða m.a. vegna mikils fjármagnskostnaðar.

• 5 blogg um fréttina

Bloggað um fréttina

• Hallur Magnússon: Ríkið taki 100 milljarða í framkvæmdalán hjá lífeyrissjóðunum á 3,5% …
• Sigurbjörg: Á krepputímum ber ríkinu að framkvæma
• Sigurður Þórðarson: "Atvinnubótavinna" er betri en aðgerðaleysi
• Máni Ragnar Svansson: Er Davíð ennþá Seðlabankastjóri ?????
• Júlíus Björnsson: Mafíustarfsemi?