Innlent | mbl | 19.1.2009 | 9:00

Hlutfallsleg fækkun í Þjóðkirkjunni

Dómkirkjan í Reykjavík. mbl.is/Brynjar Gauti

Sóknarbörn í Þjóðkirkjunni, 16 ára og eldri, voru 195.576 talsins þann 1. desember sl. en það er fjölgun um 1032 frá fyrra ári. Hlutfallslega hefur aftur á móti orðið þar fækkun úr 80,1% í 78,6% af öllum 16 ára og eldri.

Hagstofan segir, að þetta sé í fyrsta sinn sem þetta hlutfall fer niður fyrir 80%. Það megi að nokkru leyti skýra með miklum aðflutningi erlendra ríkisborgara á árinu 2008 en þeir flokkist við komuna til landsins með óskráðum trúfélögum nema þeir skrái sig sérstaklega í trúfélög. Í óskráðum og ótilgreindum trúfélögum teljist nú 19.323 miðað við 16.713 í fyrra. Það sé aukning um rúmlega 2.600 einstaklinga eða tæplega 0,8% af heildarmannfjölda.

4,7% þjóðarinnar, 16 ára og eldri, tilheyrðu einum af fríkirkjusöfnuðunum þremur: Fríkirkjunni í Reykjavík (6008), Fríkirkjunni í Hafnarfirði (3735) og Óháða söfnuðinum (2.196). Meðlimum í Fríkirkjusöfnuðum fjölgaði lítils háttar milli ára eða um 464 einstaklinga.

Ásatrúarfélagið þriðja stærsta trúfélagið

Nú tilheyra 5,9% íbúa landsins trúfélögum í skráðum trúfélögum utan Þjóðkirkju og fríkirkjusafnaða. Flest þessara trúfélaga eru smá og einungis þrjú telja fleiri en 1.000 meðlimi. Kaþólska kirkjan er fjölmennust þeirra. Meðlimir hennar 16 ára og eldri voru 6650 árið 2008 samanborið við 5678 1. desember 2007. Hvítasunnukirkjan er næst stærst. Þar eru meðlimir nú 1625 samanborið við 1559 frá fyrra ári. Ásatrúarfélagið er þriðja stærsta trúfélagið en meðlimir þeirra 16 ára og eldri eru nú 1168 samanborið við 1059 ári áður.

Utan trúfélaga höfðu 7769 kosið að standa 1. desember 2008 samanborið við 7310 ári fyrr.

Skráðum trúfélögum fjölgar um 15 frá 1990
Skráðum trúfélögum hefur fjölgað talsvert á undanförnum árum; skráð trúfélög utan Þjóðkirkju og fríkirkjusafnaða eru nú 25 en voru 10 árið 1990. Eitt nýtt trúfélag varð til árið 2008 en það heitir Soka Gakkai International á Íslandi (SGI á Íslandi) og var viðurkennt sem skráð trúfélag af dóms- og kirkjumálaráðuneytinu þann 14. apríl síðastliðinn.

Innlent »

Ölvaður ökumaður reyndi að stinga af

11:08 Sautján ökumenn óku yfir leyfilegum hámarkshraða við umferðareftirlit lögreglunnar á Suðurnesjum um helgina. Ellefu gerðust brotlegir með þeim hætti á aðeins þremur klukkustundum í kringum miðnætti í gær. Meira

Kosningamiðstöð Þóru opnuð

10:48 Kosningamiðstöð forsetaframboðs Þóru Arnórsdóttur verður opnuð í gömlu Heilsuverndarstöðinni við Barónsstíg í dag. Meira

Ferry heillaði í Hörpu

Bryan Ferry í grænum bjarma á tónleikunum í Hörpu í gærkvöldi.

00:43 Bryan Ferry vakti stormandi lukku þegar hann kom fram í Hörpu í gærkvöldi. Ferry lék mörg af sínum þekktustu lögum, jafnt frá sólóferli sínum sem af plötum sínum með hljómsveitinni Roxy Music. Ferry kemur aftur fram í Hörpu í kvöld. Meira

Fyrst til að verða meistari í bílasmíði

Anna Kristín á leið í útskriftina í gær.

Í gær, 21:19 „Áhuginn hafði alltaf blundað í mér,“ segir Anna Kristín Guðnadóttir, sem í gær útskrifaðist með meistarapróf í bílasmíði fyrst íslenskra kvenna. Meira

Þriðja árið í röð í 19. - 20. sæti

Í gær, 18:47 Íslenski Evróvisjónhópurinn var rúmlega hálfnaður á leiðinni heim þegar mbl.is náði tali af Hrafnhildi Halldórsdóttur nú fyrir stundu. Von er á hópnum til landsins með vél Icelandair í kvöld. Meira

Peningar ekki rót alls ills

Í gær, 21:46 Framhaldsskólanemar eyða almennt mestum pening í mat, áfengi og bensín. Þeim gengur misvel að spara og fæstir hafa fengið nokkra fjármálafræðslu, en finnst þörf á því. Þetta kom í ljós þegar mbl.is spjallaði við ungmenni um fjármálalæsi, en í því hafa Íslendingar ítrekað fengið falleinkunn. Meira

Átta umferðarslys á tíu dögum í og við Búðardal

Í gær, 19:40 Hvítasunnuhelgin virðist almennt ganga vel fyrir sig að sögn lögreglunnar um land allt enda sól og blíða víðast hvar og tíðindalítið ef frá er talið í Búðardal. Meira

Flestir hlynntir staðgöngumæðrun

Í gær, 18:36 Meirihluti Íslendinga er fylgjandi staðgöngumæðrun. Munur er á skoðunum fólks á málefninu eftir stjórnmálaskoðunum og er andstaðan mest hjá kjósendum Vinstri grænna en minnst hjá þeim sem segjast kjósa Sjálfstæðisflokkinn. Meira

Catalina er í fullu fjöri

Catalina flugbáturinn sem flaug yfir Reykjavík í dag.

Í gær, 17:26 Flugbátar af Catalinagerð voru í notkun hér á landi á árunum 1944-1963 og var slík vél fyrsta íslenska flugvélin til að fljúga á milli landa og önnur lék stórt hlutverk í þorskastríðinu. 68 ára gömul Catalinavél sveif um loftin blá yfir Reykjavík í dag og verður til sýnis á Flugdeginum á morgun. Meira

Fisvél brotlenti við Klaustur

Frá vettvangi slyssins á Kirkjubæjarklaustri.

Í gær, 17:04 Fisvél brotlenti við Ásgerði, skammt frá Kirkjubæjarklaustri, um klukkan þrjú í dag. Tveir menn voru í vélinni og sluppu þeir ómeiddir. Meira

Skjaldborg í skjóli fjalla

Í gær, 17:18 „Þetta litar bæjarlífið virkilega skemmtilega,“ segir Alda Davíðsdóttir, Skjaldborgarstjóri í Sjóræningjahúsinu á Patreksfirði. Um helgina hafa í kringum 300 manns sótt heimildamyndahátíðina Skjaldborg í bænum en þetta er í sjötta sinn sem hátíðin fer fram. Meira

Náttúru, sögu og nytjum gerð skil

Í gær, 17:00 Ljósmyndasýningin „Í Veiðivötnum“ var opnuð í Heklusetrinu á Leirubakka í gær. Það eru hjónin Sigrún Kristjánsdóttir og Pálmi Bjarnason sem eru höfundar myndanna, og er sýningin afrakstur myndatökuferða þeirra við vötnin undanfarin ár. Meira

Þóra opnar skrifstofu

Í gær, 16:45 Kosningamiðstöð forsetaframboðs Þóru Arnórsdóttur verður opnuð í gömlu Heilsuverndarstöðinni við Barónsstíg á annan í hvítasunnu, mánudaginn 28. maí. Miðstöðin verður opin alla daga klukkan 14-20 fram að kosningum. Meira

Lettneska konan enn ófundin

Ligita Solomenceva sem lögreglan leitar að.

Í gær, 16:14 Leit að lettneskri konu sem sást síðast um miðjan þennan mánuð hefur enn ekki borið árangur. Vitað er að hún tók á leigu sumarhús við Meðalfellsvatn og hefur leitin því enn sem komið er farið fram í nágrenni þess. Meira

Gleymdist að slökkva á eldavélinni

Í gær, 15:49 Dælubíll frá slökkviliði höfuðborgarsvæðisins var sendur að heimahúsi í Grafarholti fyrr í dag en pottur hafði þar gleymst á eldavél og ekki verið slökkt undir honum. Þegar slökkviliðsmenn komu á vettvang var enginn heima en nágrannar höfðu látið vita af reykjarlykt og síðan reyk. Meira

Veðrið leikur við landsmenn

Í gær, 16:38 Veðrið leikur við landsmenn núna um hvítasunnuhelgina og gangi veðurspá eftir verður einmuna veðurblíða og hlýindi næstu daga. Meira

Við akstur undir áhrifum kannabis

Í gær, 15:55 Lögreglan á Selfossi stöðvaði ökumann á Biskupstungnabraut í Grímsnesi rétt fyrir hádegi í dag við reglubundið eftirlit vegna gruns um að sá æki undir áhrifum. Meira

Fjölmennasti hópurinn frá upphafi

Í gær, 15:43 Verkmenntaskólinn á Akureyri brautskráði 191 nemanda með 223 skírteini í gær þegar skólanum var slitið í menningarhúsinu Hofi. Fram kom í ræðu Sigríðar Huldar Jónsdóttur, skólameistara VMA, að um væri að ræða fjölmennasta hóp sem hefði verið útskrifaður frá skólanum en alls hefðu verið brautskráðir 292 nemendur á skólaárinu. Meira