Frá mótmælafundi á Akureyri

Efnt verður til mótmæla á Akureyri kl. 15.00 á morgun, laugardag. Undir tilkynningu um mótmælin ritar „Fólkið í landinu“. Gengið verður frá Samkomuhúsinu niður á Ráðhústorg.

Að lokinni göngu verður efnt til mótmæla á Ráðhústorginu á Akureyri.
„Krafa mótmælenda er skýr: Ríkisstjórnin á að fara frá og það strax.
Við hvetjum Akureyringa og nærsveitamenn að fjölmenna á torgið.
Bændur eru hvattir til að mæta á dráttarvélum. Stöndum vörð um íslenskan landbúnað. Grasrótarsamtök að baki mótmælum þessum standa fyrir friðsælum mótmælum og munu bjóða upp á súpu. Mætið með potta og sleifar eða hvaðeina sem framkvæmir hávaða svo að ríkisstjórnin vakni og átti sig á því að ekki er í lagi að skuldsetja margar kynslóðir þessa lands vegna óráðsíumanna.
Ríkisstjórnin nýtur ekki trausts. Allt vald liggur hjá þjóðinni.“

Frummælendur verða Guðbergur Egill Eyjólfsson, bóndi og nemi við HA, og  Embla Eir Oddsdóttir.