Rjúpa við Elliðavatn mbl.is/Ómar

Skotveiðifélag Íslands hefur nú fjórða árið í röð gert könnun meðal félagsmanna um rjúpnaveiði þeirra. Helstu niðurstöður eru þær að 49% félagsmanna gengu til rjúpna haustið 2008, 51% fóru ekki til rjúpnaveiða. 13% veiðimanna sem gengu til rjúpna veiddu ekki rjúpu. Meðalveiði á hvern veiðimann var tæplega 7 rjúpur, eða 6.9 fuglar.

19% þeirra er veiddu rjúpur veiddu 10 rjúpur og fleiri. Sá sem veiddi flesta fugla veiddi 50 rjúpur. Sá sem veiddi næstflesta fugla veiddi 26 rjúpur. Flestir veiðimenn veiddu 2 – 6 rjúpur. 14% veiðimanna veiddu 2 – 3 rjúpur. Þeir félagsmenn Skotvís sem fóru á rjúpu gengu að meðaltali rúma 4 daga til rjúpna eða 4.06 daga. Sá sem fór oftast fór 12 daga. Sá sem fór næstflesta daga fór 10 daga. 27% fóru 1 – 2 daga til veiða. 21% veiðimanna áttu rjúpur frá árinu áður, að meðaltali 4.42 fugla. 17% félagsmanna gáfu rjúpur, enginn þeirra seldi fugla, að því er segir í tilkynningu.

Skotvís áætlar að á síðasta hausti hafi verið veiddar   34.000 – 36.000 rjúpur.