Eitt hænufet til Evrópu

Össur Skarphéðinsson utanríkisráðherra segir að Samfylkingin hafi komist eitt hænufet með Vinstri grænum en ekkert með Sjálfstæðismönnum. Sjálfstæðisflokkurinn logi í illdeilum vegna Evrópumála og fyrrverandi ráðherra hans hafi enda lýst því yfir að það væri mikil hætta á að flokkurinn klofnaði. 

Þetta kom fram í svari ráðherrans þegar Guðlaugur Þór Þórðarson þingmaður Sjálfstæðisflokksins vildi vita í umræðum á Alþingi í dag með hvaða rétti hann héldi því fram að Samfylkingin hefði náð lengra í Evrópumálum með VG.  Guðlaugur Þór sagði að það hefði komið mörgum Vinstri grænum á óvart, að ríkisstjórnin hefði tekið stefnuna á Evrópu.

Össur sagði núverandi ríkisstjórn taka á málinu með því að ætla að breyta stjórnarskrá þannig að auðlindir verði sameign þjóðarinnar. Þá eigi að breyta stjórnarskrá þannig að að það nægi að greiða atkvæði á alþingi um aðildarviðræður og staðfesta það síðan í þjóðaratkvæðagreiðslu. Össur bætti við að bæði þessi mál hefðu verið í undirbúningi í síðustu ríkisstjórn En Sjálfstæðisflokkurinn hafi hlaupist frá þeim, eins og öllu sem tengist Evrópu. Sjálfstæðisflokkurinn vegna innri misklíðar, væri ekki stjórntækur flokkur. Sjá MBL sjónvarp.

• 9 blogg um fréttina

Bloggað um fréttina

• Axel Jóhann Axelsson: Evrópusambandið enn og aftur
• S i g u r ð u r S i g u r ð a r s o n: Er Samfylkingin gjörsamlega heyrnarlaus og minnislaus?
• Sigurður Hrellir: Framboðsræður á Alþingi
• Skúli Sigurðsson: Það er eitthvað að í höfðinu á Össuri Skarphéðinssyni.
• Sigríður Laufey Einarsdóttir: Marghöfða þurs veldur þjóðnýtingu - engin lög um sameign þjóðarinnar
• Guðmundur Sverrir Þór: Nýir tímar á Alþingi
• Sigurbjörg: Ætla Vinstri grænir virkilega að selja sig?
• Jónas Egilsson: Össur nægjusamur
• Gylfi Björgvinsson: Hvað er Össur að segja