Mótmæli á Austurvelli í 19. sinn

Nítjánda laugardaginn í röð stóðu Raddir fólksins fyrir mótmælafundi á Austurvelli undir yfirskriftinni „Breiðfylking gegn ástandinu“. Sem fyrr er krafan sú að stjórn Seðlabankans víki. 

Að þessu sinni fluttu ávörp þau Elísabet Jónsdóttir, ellilífeyrisþegi, og Ágúst Guðmundsson, leikstjóri. Fundarstjóri var sem fyrr Hörður Torfason.

Á vef Radda fólksins kemur fram að talsmenn samtakanna hafi átt fundi með viðskiptaráðherra og forseta ASÍ miðvikudaginn 11. febrúar sl., svo og forsætisráðherra föstudaginn 13. febrúar. „Staða Seðlabankans og hústaka Davíðs Oddssonar var m.a. rædd á þessum fundum og ljóst að ráðherrar og forseti ASÍ eru sammála um þjóðhagslegt mikilvægi þess að leysa stjórnunarvanda Seðlabankans með öllum ráðum,“ segir m.a. á vef Radda fólksins. 

Frá mótmælum dagsins á Austurvelli. Morgunblaðið/Árni Sæberg

• 3 blogg um fréttina

Bloggað um fréttina

• ÖSSI: Á samfylking ekki að víkja líka?
• Bara Steini: Til hvers.
• Heimir Lárusson Fjeldsted: Minnkandi tekjur Harðar Torfasonar