Vegfarandur eru hvattir til að fara varlega. Mynd úr myndasafni. mbl.is/RAX

Vegagerðin varar við flughálku á Vatnskarði, Sauðárkróksbraut og upp Norðurárdal og er vegarendur beðnir að fara sérstaklega varlega.

Á Suðurlandi er þoka á Hellisheiði og sumstaðar eru enn hálkublettir á útvegum. Flughált er á Grafningsvegi.

Á Vesturlandi eru  vegir að mestu auðir þó eru hálkublettir á nokkrum leiðum og snjóþekja á Fróðárheiði.

Á Vestfjörðum eru hálkublettir og éljagangur á Kleifarheiði og hálka og éljagangur á Hálfdáni.  Snjóþekja og éljagangur á Steingrímsfjarðarheiði, hálka og snjóþekja er í Ísafjarðardjúpi. Á öðrum leiðum er hálka eða hálkublettir, þó eru vegir auðir á Barðaströnd.

Á Norðurlandi er hálka eða hálkublettir. Flughálka er í Skagafirði og á Lágheiði.

Á Austurlandi er hálka eða hálkublettir.

Á Suðausturlandi er mikið autt en þó eru hálkublettir frá Höfn vestur á Skeiðarársand.

Ásþungi
Vegna hættu á slitlagsskemmdum stendur til að takmarka ásþunga við tíu tonn á vegum á Vesturlandi frá kl. 8 á mánudagsmorgun sem hér segir:
Öllum vegum á Snæfellsnesi, öllum vegum í Kjós, Hvalfirði  og Borgarfirði nema á Hringvegi, Grundartangavegi og Akrafjallsvegi frá Hvalfjarðargöngum að Berjadalsá.