Héraðsdómur Reykjavíkur. mbl.is/Þorkell

Héraðsdómur Reykjavíkur hefur dæmt karlmann á sjötugsaldri í fimmtán mánaða fangelsi. Maðurinn hafði önnur kynferðismök en samræði við konu sem gat ekki spornað við þeim sökum andlegra annmarka sinna. Hann var jafnframt dæmdur til að greiða konunni 600 þúsund krónur í miskabætu

Maðurinn neitaði sök og byggði sýknukröfu sína á að hann hafi ekki haft nein kynferðismök við konuna auk þess sem hann hafi ekki vitað að hún væri haldin andlegum annmörkum. Samkvæmt álitgerðum tveggja sálfræðinga er greind konunnar neðarlega á stigi vægrar þroskahömlunar. Fötlun hennar er umtalsverð og augljós. „. Erfiðleikar komi fram hjá henni í mállegri, verklegri og óyrtri rökhugsun og ályktunarhæfni,“ segir í dómnum.

Maðurinn hefur haft kynferðisleg samskipti við konuna nokkrum sinnum á undanförnum árum, og þá oftast gegn borgun. Þau hafa þekkst í sjö til átta ár. Í umrættt skipti bauð maðurinn henni að koma á skrifstofu sína sem hún þáði. Þau ræddu fyrst saman en ákærði sagði konuni síðar að fara úr fötum og leggjast upp í sófa. Konan hlýddi þó hún hafi ekki viljað það. Maðurinn viðurkenndi hjá lögreglu að hafa „hjálpað henni með puttanum svona eitthvað smotterí.“

Fjölskipaður héraðsdómur taldi auðséð að maðurinn hafi notfært sér andlega fötlun konunnar í því skyni að hafa við hana þau kynferðismök.