Hálka er á Hellisheiðinni. mbl.is/RAX

Á Suðurlandi er hálka á Hellisheiði og hálkublettir á Sandskeiði. Hálkublettir eru víða á Suðurlandi. Á Vesturlandi eru hálkublettir í Borgarfirði og í Dölum, hálka er á Snæfellsnesi, Bröttubrekku og í Svínadal, að því er fram kemur í tilkynningu Vegagerðarinnar.

Skafrenningur er nokkuð víða. Snjóþekja og éljagangur er á Holtavörðuheiði.

Á Vestfjörðum er hálka, hálkublettir og skafrenningur.

Á Norðvesturlandi er hálka, éljagangur víða og skafrenningur. Snjóþekja og skafrenningur er á Öxnadalsheiði.

Á Norðausturlandi er hálka, hálkublettir, snjókoma og skafrenningur. Þæfingur er á Melrakkasléttu, ófært er á Hólasandi.

Á Austurlandi er hálka og skafrenningur á fjallvegum, annars þæfingur og snjókoma á öðrum leiðum. Snjóþekja og skafrenningur er á Vatnsskarði eystra.

Á Suðausturlandi er snjóþekja og éljagangur á stöku stað.