Utanríkisráðuneytið greiddi 29 milljónir til verktaka
Setja bókamerki
Utanríkisráðuneytið hefur greitt 29.415.432 króna til verktaka á kjörtímabilinu eða frá maí 2007 til janúarloka. Hæstu greiðsluna, 5,3 milljónir króna, fékk lögfræðiþjónustan Árnason Faktor ehf. fyrir vöktun á vörumerkinu Iceland.
Samkvæmt upplýsingum frá ráðuneytinu hefur það látið vakta vörumerkjaskráningar á orðinu ,,Iceland" um allan heim síðan í nóvember 2004. Markmið vöktunarinnar er að koma í veg fyrir að einkaaðilar geti komist í þá aðstöðu að hafna skráningum annarra vörumerkja sem innihalda einhvers konar tilvísun til Íslands, en dæmi séu um að slíkt hafi valdið íslenskum fyrirtækjum í útrás vandkvæðum þegar þau hafa leitast við að fá vörumerki sín vernduð erlendis.
Vöktunin hefur leitt til þess að íslensk stjórnvöld hafa andmælt um 35 skráningum í fjölmörgum ríkjum með góðum árangri, að sögn ráðuneytisins.
Næsthæstu upphæðina hefur PricewaterhouseCoopers fengið, 2,9 milljónir króna, fyrir úttekt.á afmörk.þáttum flugverndar.
Hafa „ágætis tíma“ til úrbóta
Færa slökkviliðið til nútímans
„Búið að vera í dreifingu í einhvern tíma“
Mun fara sparlega með málskotsréttinn
Gerir ráð fyrir 150 samningum í næstu viku
Mikilvægt að vera á tánum
Almannavarnir auka viðbúnað