Rax / Ragnar Axelsson

Hálkublettir eru á Hellisheiði og í Þrengslum og sumstaðar á útvegum  á Suðurlandi. Hálkublettir eru á Reykjanesbraut og á Suðurnesjum, að sögn Vegagerðarinnar.

Það er að mestu autt í Borgarfirði, á Mýrum og á láglendi á Snæfellsnesi en hálka bæði á Fróðárheiði og Vatnaleið. Í
Dölum og í Barðastrandarsýslum eru víðast aðeins hálkublettir en þó hálka á fjallvegum.

Hálka er á norðanverðum Vestfjörðum og á Ströndum. Eins er háka nokkuð víða á Norðurlandi. Skafrenningur er á Þverárfjalli og Öxnadalsheiði.

Á Austurlandi er hálka eða snjóþekja á flestum leiðum. Verið er að opna Vatnsskarð eystra og Breiðdalsheiði. Á Suðausturlandi eru víðast hvar hálkublettir.

Vegna hættu á slitlagsskemmdum eru þungatakmarkanir á Suðaustur- og Austurlandi, eða frá Vík og allt austur á
Fáskrúðsfjörð.

Frekari upplýsingar eru veittar í síma 1777 og á vef Vegagerðarinnar.

Vegna framkvæmda er Suðurlandsvegur lokaður við Hellu.
Hjáleið er um Langasand og Dynskála á Hellu.