Sverrir Vilhelmsson

Mokstri hefur verið hætt á Norðausturlandi, á Víkurskarði og Grenivíkurvegi vegna veðurs og hálka er á vegum víða á landinu, að sögn vegagerðarinnar.

Á Suðurlandi er víða hálka eða hálkublettir þó aðallega í uppsveitum. Hálkublettir og skafrenningur er á Hellisheiði og í Þrengslum. Óveður er á Kjalarnesi.

Á Vesturlandi eru víðast hálka, hálkublettir og skafrenningur. Ófært og stórhríð er á Holtavörðuheiði, hálkublettir og skafrenningur er á Bröttubrekku. Hálkublettir og skafrenningur er á Vatnaleið. Óveður er við Hraunsmúla. Ófært er á Fróðarheiði.

Á Vestfjörðum er víða hálka, hálkublettir, éljagangur og skafrenningur. Ófært er um Klettsháls. Hálka og skafrenningur er á Steingrímsfjarðarheiði. Ófært er um Ennisháls vegna umferðaróhapps.

Á Norðurlandi er víða hálka, hálkublettir, snjóþekja, éljagangur og skafrenningur. Ófært og stórhríð er á Þverárfjalli.

Ófært er á Siglufjarðarvegi. Ófært er vegna snjóflóða á milli Dalvíkur og Ólafsfjarðar. Ófært og stórhríð er í Víkurskarði og að Grenivík og er mokstri hætt þar vegna veðurs.

Á Norðausturlandi er mokstri hætt vegna veðurs. Víða er þæfingsfærð. Þæfingsfærð og stórhríð er á Tjörnesi og ófært er um Hólasand. Óveður og þungfært er á milli Húsavíkur og Lauga. Ófært er á milli Vopnafjarðar og Þórshafnar, ófært er um Melrakkasléttu og um Hálsa. Ófært er um Vopnafjarðarheiði og Mývatnsöræfi og þungfært er um Möðrudalsöræfi. Ekkert ferðaveður er í þessum landshluta.

Á Austurlandi er þungfært , þæfingsfærð og skafrenningur. Ófært er um Vatnsskarð eystra. Þungfært og stórhríð er á Fagradal og þungfært og skafrenningur er í Oddskarði og á Fjarðarheiði. Ófært er um Breiðdalsheiði. Þungfært og óveður er í nágrenni Djúpavogs.

Á Suðausturlandi eru víða hálkublettir og skafrenningur.