Eftir Jón Pétur Jónsson

Múrarameistarafélag Reykjavíkur hefur sagt sig úr Samtökum iðnaðarins. Sigurður Heimir Sigurðsson, formaður félagsins, að þetta sé fyrst og fremst gert í sparnaðarskyni. „Þegar kreppir að vilja menn skera niður kostnað,“ segir Sigurður Heimir.

Hann segir að það sé áhugi fyrir því að félagið sjálft sé aðili að SI, en ekki hver og einn félagsmaður líkt og hafi verið. Sigurður segir að félagar í Múrarameistarafélagi Reykjavíkur finnist þeir ekki nýta þá þjónustu sem sé í boði hjá SI. „Þeim finnst þeir ekki vera að nýta þetta og þá finnst þeim ekki  þurfa borga þetta,“ segir hann. Aðildargjöldin eru tekjutengd og greiddi hver félagi 0,07% af veltu til SI að sögn Sigurðar.

Ákvörðunin var tekin á félagafundi nýverið og var samþykkt með 30 atkvæðum á móti 1. „Þetta er það sem meirihluti félagsmanna vill,“ segir hann enda verkefni af skornum skammti um þessar mundir.

Félagar í Múrarameistarafélagi Reykjavíkur eru 75. Um 20 eru frífélagar, þ.e. eru orðnir 65 ára eða eldri. 

Sigurður skýtur því að múrarameistararnir fjölmenni nú um hverja helgi á Öndverðarnes þar sem þeir taka þátt í því að byggja nýjan golfskála í sjálfboðavinnu. Ljóst er að þar á bæ sitja menn ekki auðum höndum í kreppunni.