Eiginkonurnar settar út á götu

Stefán Scheving Thorsteinsson sem dvelur á  hjúkrunarheimilinu Sóltúni á að greiða tæplega 240 þúsund fyrir dvöl sína á mánuði samkvæmt nýjum reglum. Dvalargjaldið er tekjutengt að fullu en ekki er tekið tilllit til hvort viðkomandi á maka sem býr í heimahúsi og treystir á tekjurnar sér til framfærslu.

Stefán hefur 356 þúsund í lífeyristekjur og eitthundrað þúsund í fjármagnstekjur..

Erna Tryggvadóttir eiginkona hans er ósátt við að hann þurfi að greiða 240 þúsund fyrir hjúkrun þar sem hún segist treysta á tekjur hans til framfærslu heimilisins en sjálf hefur hún einungis 130 þúsund í lífeyristekjur. Hjónin hafa búið í einbýlishúsi í Mosfellsdal frá árinu 1975. Stefán kemur heim á sunnudögum og elsti sonur hjónanna sem er fatlaður og býr á sambýli í grenndinni kemur líka heim um helgar. Nú er útlit fyrir að Erna þurfi að selja húsið því það kostar sitt að halda því við .

Eftir að farið var að vinna í málinu fékkst það leiðrétt um stundarsakir. Tryggingastofnun lækkaði gjaldið tímabundið en hækkunin kemur að fullu til framkvæmda um áramót. Sigurður Einarsson framkvæmdastjóri Félags eldri borgara segir að fjöldi fólks sé í sömu sporum, aðallega konur sem hafi verið heimavinnandi stóran hluta ævinnar og eigi því ekki mikinn lífeyrissparnað.

• 11 blogg um fréttina

Bloggað um fréttina

• Guðjón Sigþór Jensson: Hrikalegt
• Ragnheiður : Vá!
• Axel Jóhann Axelsson: Tekjutengd hjúkrun
• Héðinn Björnsson: Hvað er að vera illa staddur fjárhagslega?
• Sigurlaug B. Gröndal: Kemur niður á þeim sem síst skyldi.
• Elías Theódórsson: Heimavinnandi húsmóðir
• Vilborg Eggertsdóttir: Svona gerir maður ekki!
• Ingunn Guðnadóttir: hvurs lags!!!!!!!!!!!!
• Ólöf de Bont: Tekjutenging
• Björg Árnadóttir: Vorkunn?
• Hólmdís Hjartardóttir: Afhverju er alltaf litið á fullorðið fólk sem byrðar á …