Horft út Eyjafjörðinn með Akureyri í forgrunni. www.mats.is

Lögreglan á Akureyri handtók rúmlega fertuga konu vegna gruns um fíkniefnamisferli síðastliðið föstudagskvöld. Í framhaldinu var gerð húsleit á heimili hennar þar sem fundust rúmlega 70 grömm af kannabisefnum. Konan viðurkenndi að eiga efnin og að hafa ætlað þau til sölu. Hún var látin laus eftir yfirheyrslu og telst málið upplýst, samkvæmt upplýsingum frá lögreglu.

Piltur um tvítugt var handtekinn í fjölbýlishúsi í Kópavogi eftir hádegi á föstudag. Í fórum hans fannst talsvert af fíkniefnum. Um var að ræða marijúana og var það ætlað til sölu. Pilturinn hefur áður komið við sögu hjá lögreglu vegna fíkniefnamála.

Lögreglan á höfuðborgarsvæðinu stöðvaði umfangsmikla kannabisræktun í húsi í Garðabæ fyrir hádegi á föstudag. Við húsleit á áðurnefndum stað fundust um 100 kannabisplöntur, flestar á lokastigi ræktunar. Einnig var lagt hald á allmarga gróðurhúsalampa. Karl á þrítugsaldri var handtekinn í tengslum við rannsókn málsins.

Lögreglan minni á fíkniefnasímann 800-5005 þar sem koma má á framfæri upplýsingum um fíkniefnamál.