mbl.is/Þorkell

Nemendafélag Háskólans á Bifröst hefur sent frá sér stuðningsyfirlýsingu við stúdentaráð Háskóla Íslands sem þrýstir á um að komið verði til móts við nemendur með því að bjóða upp á sumarnámskeið.

Greint er frá því að á Bifröst sé boðið upp á 45 námskeið á sviði lögfræði, viðskipta og félagsvísinda og geta nemendur í grunnnámi lokið 20 ECTS einingum. Hægt er að hefja meistaranám á sumarönninni á Bifröst.

Í yfirlýsingunni segir jafnframt eftirfarandi: Þetta skipulag er hefðbundið á Bifröst og teljum við að það komi fyllilega til móts við þarfir nemenda í ljósi aðstæðna.

Nemendur á Bifröst meta þennan möguleika mjög og skora á stúdenta á Íslandi að þrýsta á samstarf milli skóla og að námskeið verði metin milli skóla. Með tilliti til þessa er einnig skorða að LÍN að endurskoða lánareglur sínar í þeim tilgangi að gera nemendum kleift að stunda lánshæft nám á milli háskóla.