Rúmlega þúsund króna munur er á kílóverði á frosnu lambalæri eftir því hvort það er keypt í Kaskó, þar sem það er ódýrast, eða Nóatúni, þar sem það er dýrast. Verðmunurinn er 102%. Þetta kemur m.a. fram í könnun sem ASÍ gerð á verði á páskamat. Könnunin var gerð á höfuðborgarsvæðinu fimmtudaginn 2. apríl.

Athygli vakti hvað það var mikill verðmunur á kjöti og laxi. Frosið lambalæri var ódýrast í Kaskó og kostaði 989 kr./kg, en dýrast í Nóatúni á 1.999 kr./kg, munurinn er 102%.

Reyktur lax var ódýrastur í Bónus á 1.798 kr./kg en dýrastur í Samkaupum – Úrvali á 3.627 kr./kg, munurinn er 102%.

192% verðmunur á gulrófum

Mestur verðmunur í könnuninni var á gulrófum sem voru dýrastar, 347 kr./kg, í Samkaupum – Úrvali, en ódýrastar, 169 kr./kg, í Bónus sem er 192% verðmunur. Minnstur verðmunur var á Maxwell House-kaffi 500 g, sem kostaði 590 kr. í Krónunni en 647 kr. í Hagkaupum, munurinn er tæp 10%.

Bónus var oftast með lægsta verðið eða í 39 skipti af 62 vörutegundum sem kannaðar voru. Samkaup – Úrval var oftast með hæsta verðið í könnuninni eða í 26 skipti.

Nánari umfjöllun í Morgunblaðinu