mbl.is/Júlíus

Dagurinn hefur verið erilsamur hjá lögreglunni á Suðurnesjum í dag. Í morgun var tilkynnt um að bíl hefði verið stolið í Reykjanesbæ. Um er að ræða rauðan og gráan Daihatsu jeppling með bílnúmerið YS-071. Lögreglan biður þá sem séð hafa bílinn að hafa samband við 112. 

Jafnframt biður lögreglan Evu Lind Guðjónsdóttur að hafa samband við aðstandendur sína, en hennar hefur verið saknað síðan sl. fimmtudags. Þeir sem geta veitt upplýsingar um málið er bent á að hafa samband við lögreglu í gegnum Neyðarlínuna 112. 

Lögreglan klippti númer af ótryggðum bifreiðum í dag auk þess sem fjórir voru sektaðir fyrir of hraðan akstur á Reykjanesbrautinni. Sá sem hraðast ók var á 156 km hraða, en leyfilegur hraði á brautinni er 90 kl/klst. Einn ökumaður var sektaður fyrir að nota ekki bílbelti. 

Tilkynnt var um slys hjá fiskvinnslufyrirtæki í Garði um miðjan dag. Þar hafði starfsmaður fest höndina í pökkunarvél. Var hann fluttur á Heilbrigðisstofnun Suðurnesja og þaðan á Landspítalann. 

Um miðjan dag fundust 85 ónotuð símkort frá Símanum á víðavangi. Finnandinn kom þeim til skila til lögreglunnar, en enginn hefur enn gefið sig fram sem eigandi kortanna. Ekki er talið ólíklegt að þeim hafi verið stolið frá söluaðila. Þeim verður komið aftur til skila til Símans.