Moka þurfti tjöld kvennanna upp

Björgunarsveitamenn úr Björgunarfélagi Hornafjarðar eru nú komnir til byggða með þrjár konur sem sóttar voru á Öræfajökul í dag en ekið var með þær til Hornafjarðar. Aftakaveður gerði jöklinum í nótt og fennti mikið og þurfti að moka tjöld og annan búnað kvennanna upp.

Samkvæmt upplýsingum frá Slysavarnafélaginu Landsbjörgu var ástand kvennanna nokkuð gott en aðstæður á jöklinum voru afar erfiðar. 

Konurnar þrjár hafa undanfarna 10 daga gengið yfir Vatnajökul frá Jökulheimum og voru komnar að Tjaldskarði á Öræfajökli þar sem þær létu fyrirberast í nótt.

Tjöld kvennanna fennti nánast í kaf.

• 3 blogg um fréttina

Bloggað um fréttina

• S i g u r ð u r S i g u r ð a r s o n: Frábær dugnaður þriggja kvenna
• Kjartan Pétur Sigurðsson: FERÐ YFIR VATNAJÖKUL - MYNDIR OG KORT
• Baldur Hermannsson: Veikara kynið - karlmannslausar og allslausar