Lögreglan á höfuðborgarsvæðinu lýsir eftir þremur karlmönnum, sem hafa reynt að brjótast inn í hraðbanka og verslanir undanfarna daga. Þeir eru taldir vera um þrítugt og eru „útlendingslegir“ á að líta.
Lögreglan hefur birt myndir af mönnunum, en myndirnar náðust með eftirlitsmyndavélum. Þeir sem telja sig þekkja mennina eða búa yfir upplýsingum um málið eru vinsamlegast beðnir um að hafa samband við lögregluna á höfuðborgarsvæðinu í síma 444 1100.