Skilorð fyrir kannabisræktun

Héraðsdómur Reykjavíkur hefur dæmt karlmann á þrítugsaldri í þrjátíu daga skilorðsbundið fangelsi fyrir að rækta kannabis. Maðurinn var með í bílskúr sínum 83 kannabisplöntur og 678 g af kannabislaufum. Talið var að hann hefði ræktað kannabis um nokkur skeið.

Maðurinn játaði að hafa staðið að ræktuninni. Honum var að auki gert að greiða 80 þúsund krónur í sakarkostnað.

Meðal þess sem gert var upptækt voru loftræstikerfi, fjórir gróðurhúsalampar, gaskútur, vatnsdælur og tvö rafmagnsbox.

• 1 blogg um fréttina

Bloggað um fréttina

• Jón Svavarsson: Á hann ekki að fá Fálkaorðu og Nýsköpunarverðlaunin líka???