Aðalfréttaskýrandi alþjóðamála hjá breska dagblaðinu The Times gerir erfiða samningsstöðu Íslands vegna aðildarumsóknar að Evrópusambandinu að umræðuefni á vefsíðu blaðsins og segir að Íslendingar skyldu ekki útiloka aðra kosti.
Brownen segir að íslensk yfirvöld ættu að spila sem best úr veikri stöðu sinni og minna ESB á að það séu önnur bandalög sem hægt væri að ganga til liðs við.
Hægt væri að taka upp dollarann eða sækja um aðild að Fríverslunarbandalagi Norður-Ameríku. Vegna landfræðilegrar stöðu sinnar hafi Ísland alltaf verið í góðri stöðu við að etja Bandaríkjunum gegn Evrópu og löndunum tveimur gegn Rússlandi. Það hafi leitt til vantrausts en sé eftir sem áður besta spilið á hendi Íslendinga.