Þrátt fyrir að hafa verið sleppt úr haldi lögreglu er ekki þar með sagt að tvær ungar konur sem tengjast vopnuðu ráni á Arnarnesi séu lausar allra mála. Yfirmaður rannsóknardeildar lögreglu höfuðborgarsvæðisins segir málið enn í rannsókn og enn eigi eftir að hnýta lausa enda.

Tveir menn á tvítugs- og þrítugsaldri voru á þriðjudag úrskurðaðir í gæsluvarðhald, en þeir ruddust vopnaðir inn á heimili eldri hjóna á Arnarnesi á laugardagskvöld. Tvær ungar konur eru einni grunaðar um aðild að málinu. Þeim var þó sleppt úr haldi.

Friðrik Smári Björgvinsson, yfirmaður rannsóknardeildar, segir ofbeldisþáttinn hafa skilið þar á milli. Þó er ekki gefið að þær verði ekki ákærðar fyrir sinn þátt í málinu. Spurður hvaða brot á lögum þær hafi hugsanlega framið segir Friðrik að þær gætu hafa komið að skipulagningu ránsins, og komið að því óbeint á annan hátt, jafnvel á þann hátt að þær teljist þátttakendur að fullu.