Búið er að loka Holtavörðuheiði samkvæmt upplýsingum frá Vegagerðinni. Þá er ófært á Eyrarfjalli, Lágheiði, Hólasandi og á Öxi. Á Kjalarnesi er óveður.

Hálkublettir eru á Fróðarheiði.Snjóþekja og krapi er á Laxárdalsheiði.

Á Vestfjörðum er þungfært og stórhríð á Steingrímsfjarðarheiði. Eyrarfjall er ófært. Snjóþekja og skafrenningur er á Hrafnseyrarheiði og hálkublettir og éljagangur á Dynjandisheiði og Gemlufallsheiði. Þæfingsfærð og óveður er á Klettsháls og mun hann væntanlega verða ófær er líður á kvöldið.  Snjóþekja og skafrenningur er á Ennisháls. Þungfært er á veginum norður í Árneshrepp.

Á Norðurlandi er snjóþekja og éljagangur er á Þverárfjalli. Hálka og éljagangur er á Siglufjarðarvegi. Éljagangur er  á Öxnadalsheiði. Ófært er á Lágheiði og snjóþekja, hálkublettir og éljagangur er í Eyjafirði.

Á Norðaustur- og Austurlandi er vetrarfærð. Snjóþekja og skafrenningur er á Víkurskarði og á Mývatnsheiði. Ófært er á Hólasandi.  Þæfingsfærð og stórhríð er á Mývatnsöræfum  og þæfingsfærð og skafrenningur er á Möðrudalsöræfum, á Vopnafjarðarheiði og á Sandvíkurheiði.

Á Vatnsskarði eystra og á Fjarðarheiði er þæfingsfærð og skafrenningur. Snjóþekja er á Fagradal og hálkublettir á Oddskarði. Þæfingsfærð og skafrenningur er á Breiðdalsheiði og ófært er á Öxi.