Innlent | mbl | 12.5.2009 | 12:09 | Uppfært 20.12.2009 21:27

Kynna skattahækkun eftir helgi

Sæktu Flash-spilarann til að spila myndskeiðið

Eftir Þóru Kristinu Ásgeirsdóttur mbl sjónvarpi. tka@mbl.is

Ríkisstjórnin ætlar að kynna áætlun sína um skattahækkanir fljótlega eftir að þing kemur saman. Jóhanna Sigurðardóttir sagði í gær að ríkisstjórnin myndi ekki taka hærra hlutfall af vergri landsframleiðslu til sín í gegnum skattkerfið en ríkisstjórn Geirs H. Haarde hefði gert í góðærinu.

Jóhanna sagði í samtali við mbl sjónvarp á Reykjavíkurflugvelli í morgun að það væri ágætt að hafa til hliðsjónar að þótt skattar þurfi að hækka talsvert verði ríkið ekki að fá af því meiri tekjur en á síðustu árum. Unnið verði samkvæmt þeirri reglu að skattbyrði verði aukin hjá þeim sem megi við því frekar en þá sem hafi litlar og meðaltekjur. Sú regla verði líka höfð til hliðsjónar þegar komi að niðurskurði útgjalda. Aðspurð um hversu mikið tekjuskattur yrði hækkaður, svaraði Jóhanna að það muni liggja fyrir fljótlega eftir að þing kemur saman.

Ráðherrar ríkisstjórnarinnar fóru til Akureyrar í morgun þar sem fyrsti ríkisstjórnarfundurinn er haldinn.

Persónukjör, þjóðaratkvæðagreiðslur og stjórnlagaþing eru meðal þess sem ríkisstjórnin ætlar að ræða á þessum fundi, sem og mál sem snerta endurreisn bankanna.

Fyrsta mál á dagskrá nýrrar ríkisstjórnar er þó sóknaráætlun fyrir landsbyggðina en þar eru samþættar ýmsar áætlanir sem snerta landsbyggðina, svo sem byggðaáætlun, samgönguáætlun og áætlun í ferðamálum og efling sveitarstjórnarstigsins.

Innlent »

Hafa gert hugtakið merkingarlaust

08:39 „Hvaða "vinstri-flokka"?“ spyr Lilja Mósesdóttir, alþingismaður, á Facebook-síðu sinni í gærkvöldi aðspurð hvort hún og ný stjórnmálahreyfing hennar Samstaða, flokkur lýðræðis og velferðar stefni á samstarf við vinstriflokkana. Meira

Líflegt var á uppboði danska uppboðshússins Kopenhagen Fur.

Fá 10 þúsund kr. fyrir skinnið

08:30 Mikil eftirspurn var eftir minkaskinnum á loðskinnauppboði Kopenhagen Fur sem lauk í gær. Verðið hækkaði og hefur aldrei verið hærra. Áætlað er að meðalverð íslenskra skinna sem þar voru boðin til sölu hafi farið yfir 10 þúsund krónur. Meira

Hálka víða um land

08:22 Hálkublettir eru á Hellisheiði og Þrengslum, snjóþekja á Lyngdalsheiði og hálkublettir eru víðast hvar á Suðurlandi. Hálka er í Kringum Vík. Meira

Opið á skíðasvæðum norðan og austan

08:09 Ekki ætti að væsa um skíðaáhugafólk fyrir norðan og austan í dag, því skíðasvæðin á Dalvík, Hlíðarfjalli á Akureyri og í Oddsskarði verða opin í dag. Meira

Vilja starfshóp um atvinnumálin

07:30 Bæjarstjóri Blönduóss segir það vera skýra kröfu heimamanna að komið verði á fót starfshópi með þátttöku ráðuneyta og aðila á svæðinu varðandi frekari uppbyggingu atvinnulífs á Norðurlandi vestra. Meira

Of ungir inni á Kónginum

08:20 Lögreglan á höfuðborgarsvæðinu hafði afskipti af ungmennum sem voru við skemmtanahald á skemmtistaðnum Kónginum í Grafarholti í Reykjavík. Þetta var um hálf tvö leytið í nótt, en lögregla var á staðnum við hefðbundið eftirlit. Meira

Óbreyttur dagafjöldi á grásleppu

08:00 Grásleppuvertíð hefst væntanlega eftir rúman mánuð, en samkvæmt drögum að reglugerð er reiknað með að heimilt verði að hefja veiðar 15. mars á flestum svæðum. Meira

Bjartviðri austanvert

05:40 Suðvestanátt, víða 8-15 m/s, fram á daginn. Él verða vestan til en úrkomuminna með morgninum. Bjartviðri á austanverðu landinu. Snýst í sunnanátt síðdegis með slyddu á köflum en síðar rigningu vestantil í kvöld. Hiti kringum frostmark en hlýnar þegar líður á kvöldið. Meira

Fengu lán úr sjóðum

05:30 Fram kom í dómi sem kveðinn var upp í Héraðsdómi Reykjavíkur á fimmtudag að ólögmæt lán hefðu verið tekin úr styrktarsjóðum Baugs til að fjármagna daglegan rekstrarkostnað. Meira

Þrír forsætisráðherrar á sólarhring

Steingrímur J. var um tíma ráðherra efnahags, viðskipta, landbúnaðar og sjávarútvegs og forsætisráðherra.

05:30 Þegar Jóhanna Sigurðardóttir, forsætisráðherra, kemur aftur til landsins síðdegis í dag hafa þrír ráðherrar gegnt starfi forsætisráðherra á einum sólarhring. Meira

Vildu vera í Póllandi

05:30 Góður meirihluti Pólverja sem tóku þátt í viðtalskönnun sumarið 2010, eða sex af hverjum tíu, kvaðst aldrei mundu hafa flutt til Íslands ef sæmandi starf hefði boðist heima fyrir. Meira

Lífeyrissjóðir bjóða í krónur

05:30 Væntanlegur hagnaður af gjaldeyrisútboðum Seðlabanka Íslands sem lífeyrissjóðirnir munu taka þátt í verður notaður til að fjármagna hlut lífeyrissjóðanna í sérstökum vaxtabótum. Meira

Þór er kominn til Noregs

Siglingin til Bergen gekk vel þrátt fyrir brælu alla leiðina.

05:30 Varðskipið Þór kom til Bergen í Noregi á miðvikudagskvöld til viðgerðar. Samkvæmt upplýsingum Landhelgisgæslunnar hefst nú vinna við skipið og er búist við því að viðgerðin taki fjórar til fimm vikur. Meira

Vandi stjórnarinnar gerður að vanda fjórflokksins

Bjarni Benediktsson, formaður Sjálfstæðisflokksins, á Alþingi.

Í gær, 23:28 „Gaman að þessum stjórnmálafræðingum sem fjölmiðlar tala helst við. Þegar stjórnarflokkarnir fá ærlega rassskellingu heitir það ávallt „fjórflokkurinn“. Það var vandamál „fjórflokksins“ þegar margir voru óákveðnir og enginn annar valkostur var kominn fram,“ segir Bjarni Benediktsson, formaður Sjálfstæðisflokksins. Meira

Hestar sluppu eftir bílveltu

Í gær, 22:20 Jeppabifreið með hestakerru í eftirdragi valt út fyrir veg í grennd við Grundartanga á tíunda tímanum í kvöld. Ökumaður hlaut minniháttar meiðsli og hestarnir eru taldir hafa sloppið ómeiddir. Jeppinn er talinn ónýtur og hestakerran var töluvert löskuð. Meira

Ýsan var dýrari en þorskurinn

Bræðurnir Snorri og Guðlaugur Rafnssynir við löndun á Ólafsvík á 7,5 tonnum sem fengust í ...

05:30 Í vikunni gerðist það að ýsa seldist fyrir hærra verð en þorskur á fiskmörkuðum. Á miðvikudag voru seld 17,7 tonn af óslægðri ýsu og meðalverðið 349 krónur á kíló. 37,7 tonn af þorski fengu kaupendur á 340 krónur kílóið. Í gær var ýsan seld á um 280 krónur en þorskurinn á rúmlega 300 krónur. Meira

Ökumenn í vanda vegna hálku

Í gær, 22:24 Allmikið hefur verið um umferðaróhöpp á Holtavörðuheiði í dag og fram á kvöld vegna hálku. Samkvæmt upplýsingum frá lögreglunni á Blönduósi hafa bílar lent út af veginum en engin slys þó orðið á fólki. Meira

Nokkrir skjálftar í kvöld

Í gær, 22:11 Skjálftavirkni hefur verið suðaustur af Húsafelli í kvöld. Nokkrir skjálftar hafa mælst þar frá klukkan 18.45, þeir stærstu 1,9 stig. Stærsti jarðskjálfti dagsins mældist hins vegar 2,5 stig, 20 km norðaustur af Siglufirði. Meira