Ráðherrar funda

Formenn stjórnarflokkanna munu nú í kvöld eiga fund með fulltrúum Alþýðusambands Íslands og Samtaka atvinnulífsins um stöðugleikasáttmála, sem stefnt er að því að gera. Jóhanna Sigurðardóttir, forsætisráðherra, upplýsti þetta á Alþingi í dag.

Jóhanna flutti skýrslu um stöðu efnahagsmála á Alþingi í dag og voru umræður um skýrsluna í kjölfarið. Jóhanna sagði í lok umræðunnar, að endurreisa þurfi trúverðugleika Íslands en til þess að það takist verði Íslendingar að eiga góða samvinnu við þá, sem eru að aðstoða Ísland, þar á meðal Alþjóðagjaldeyrissjóðinn, og standa við skuldbindingar sínar. 

Jóhanna sagði að unnið væri að ýmsum aðgerðum og vísaði m.a. til 100 daga áætlunar ríkisstjórnarinnar. Grundvallaratriði væri sá stöðugleikasáttmáli, stjórnvöld vildu gera við aðila vinnumarkaðarins. Markmið hans væri að aðstoða heimilin og koma atvinnulífinu í gang.  

• 4 blogg um fréttina

Bloggað um fréttina

• Sigurður Ingi Jóhannsson: Hvað er málið?
• Ómar Geirsson: Hvaða skuldbindingar Jóhanna????
• Hlédís: Ný og betri leið til lausnar á vanda ríkisins - …
• Sigurður Jónsson: Stefnt er að og leitað lausna á ýmsum málum. Hve …