Athugasemdir við aðbúnað hrossa

Gerðar hafa verið alvarlegar ábendingar, með kröfu um úrbætur, vegna fóðrunar og aðbúnaðar hrossa á tveimur bæjum á Mýrum. Voru farnar sérstakar eftirlitsferðir að báðum þessum bæjum um mánaðamótin. 

Fram kemur á fréttavef Skessuhorns, að Torfi Bergsson, búfjáreftirlitsmaður Búnaðarsamtaka Vesturlands, og Gunnar Gauti Gunnarsson, héraðsdýralæknir, skrifuðu bréf í byrjun maí til sveitarstjórnar Borgarbyggðar, sýslumanns, yfirdýralæknis, Heilbrigðiseftirlits Vesturlands og ábúenda jarðanna sem í hlut eiga, þar sem greint er frá eftirlitsferfðunum.

Um heimsókn á annan bæinn segir orðrétt í lýsingu þeirra Gunnars og Torfa: „Nú þegar við fórum blöstu við okkur mörg dauð hross í skurði sem hálfpartinn hafði verið grafið yfir og hræi af folaldi hafði verið troðið niður við heyrúllur sem gefnar höfðu verið. Hræ af einu hrossi var einnig í skurði sem fullur var af vatni.”

Þá segir í lýsingu þeirra að fóður hafi verið lélegt.

Á hinum bænum eru einnig gerðar alvarlegar athugasemdir um fóðrun útigangshrossa. Þau séu vanfóðruð, með ljóta hófa og að fleiri hross hafi verið verulega aflögð.

Skessuhorn

• 2 blogg um fréttina

Bloggað um fréttina

• Axel Jóhann Hallgrímsson: Frestur er á illu bestur
• Jón Snæbjörnsson: Hræ af einu hrossi var einnig í skurði sem fullur …