Sjálfsvígum hefur ekki fjölgað

Landlæknisembættið segir, að á síðustu 4 mánuðum séu aðeins skráð 5 sjálfsvíg, sem er talsvert minna en á sama tímabili á undanförnum árum. Þá beri ekki á fjölgun sjálfsvígstilrauna síðustu mánuðina samkvæmt upplýsingum frá slysadeild Landspítala.

Á vef landlæknisembættisins segir, að rétt þyki að koma þessu á framfæri vegna orðróms um hið gagnstæða. Einnig megi nefna að innlögnum á geðdeild Landspítala hafi heldur fækkað og engin sjáanleg aukning sé á notkun geðlyfja samkvæmt skráningu í lyfjagagnagrunni Landlæknisembættisins.

Undanfarin ár hafa sjálfsvíg verið um 30 talsins. Árið 2005 voru þau 24 talsins, 32 árið 2006, 37 árið 2007 og 28 árið 2008. 

• 2 blogg um fréttina

Bloggað um fréttina

• siggi: Aðeins 5 sjálfsvíg !!!!!
• Ragnheiður : Himmi minn