Hvalur 9 á leið til lands með tvær langreyðar

„Þeir náðu tveimur vænum dýrum og koma með þá í land um klukkan 4 til 5 í fyrramálið," sagði Kristján Loftsson eigandi Hvals hf sem gerir hvalveiðibátinn Hval 9 út á langreyðaveiðar.

„Hver heldur þú að nenni að standa í þessu annars?" sagði Kristján í samtali við mbl.is þegar hann var spurður hvort markaður væri fyrir kjötið.

Kristján taldi að það tæki ekki nema tvo tíma að flensa dýrin og búa kjötið undir frekari skurð og pökkun.

Það mun allt vera til reiðu í hvalstöðinni í Hvalfirði og mannskapurinn í startholunum að verka fyrstu hvalina. Búið er að girða svæðið af og það ekki jafnaðgengilegt og áður og mun það hafa verið gert af kröfum vegna hreinlætis á skurðarplaninu.

• 7 blogg um fréttina

Bloggað um fréttina

• Kolbeins: Lets kill all of them
• Ægir Óskar Hallgrímsson: Gleðitíðindi!
• Jóhann Pétur Pétursson: Til hamingju Íslendingar
• Sigurbrandur Jakobsson: Lifnar yfir Hvalfirði á ný.
• Dofri Hermannsson: LeyniHvalur
• Ólafur Gíslason: Já, eigum við ekki bara að eignast sem flesta óvini?
• Björn Jónsson: Til hamingju !!!!