Tíu voru teknir fyrir ölvunarakstur í umdæmi lögreglunnar á höfuðborgarsvæðinu um helgina. Þetta kemur fram í tilkynningu frá lögreglunni. Þrír voru stöðvaðir á laugardag og sjö á sunnudag. Fimm voru teknir í Reykjavík, tveir á Seltjarnarnesi og einn í Kópavogi, Hafnarfirði og Mosfellsbæ. Þetta voru níu karlar á aldrinum 18-35 ára og ein kona, 18 ára. Einn þessara ökumanna hafði aldrei öðlast ökuréttindi.

Þá stöðvaði lögreglan á höfuðborgarsvæðinu för fjögurra ökumanna, allt karla, í umdæminu um helgina en þeir voru allir undir áhrifum fíkniefna.  Mennirnir eru á þrítugs-, fertugs- og sextugsaldri en tveir þeirra höfðu þegar verið sviptur ökuleyfi. Lögreglan bendir á að einn fjórmenninganna ók bíl sem var búinn nagladekkjum og verður því sektaður fyrir það að auki.