Innlent | mbl | 13.7.2009 | 18:36

Eigum ekkert erindi í hið nýja Sovét

Árni Johnsen.

„Við Íslendingar erum ekki fædd til þess að gefast upp. Þess vegna eigum við ekkert erindi inn í nýja Sovét. Og þetta nýja Sovét er miklu hættulegra en hið gamla. Það ætlar sér að kokgleypa Ísland. Og ef hið nýja Sovét kokgleypir Ísland, þá munu menn ekki hafa fyrir því að hrækja beininu,“ sagði Árni Johnsen, þingmaður Sjálfstæðisflokks á Alþingi.

Hann fann aðild Íslands að ESB allt til foráttu. Í Brussel sætu miðstýrðir, náttúrulausir stjórnendur sem vildu hrifsa til sín fullveldi íslands.

Önnur umræða um tillögu um aðildarumsókn að Evrópusambandinu stendur á Alþingi og er búist við að þingfundur standi fram eftir kvöldi.