Atkvæðagreiðsla um aðildarumsókn að ESB kl. 12
Setja bókamerki
Umræðum um aðildarumsókn Íslands að Evrópusambandinu er lokið og hefst atkvæðagreiðsla um þingsályktunartillögu stjórnarflokkanna þegar þingfundur verður settur á ný kl. 12. Fyrst verða þó greidd atkvæði um breytingartillögur við ályktunina, annars vegar frá formanni og varaformanni Sjálfstæðisflokksins um tvöfalda atkvæðagreiðslu, þ.e. að fyrst kjósi þjóðin um það hvort fara eigi í aðildarviðræður, og frá Vigdísi Hauksdóttur þingmanni Framsóknar, með skilyrðum Framsóknarflokksins.
Telja má fullvíst að óskað verði eftir nafnakalli þegar að atkvæðagreiðslu kemur. Þetta gæti sett ákveðna þingmenn í erfiða stöðu. Álfheiður Ingadóttir, þingmaður Vinstri grænna, hefur ekki gefið upp hvernig hún hyggst kjósa. Ef röðin kæmi að henni á undan til dæmis Þorgerði Katrínu Gunnarsdóttur og Ragnheiði Ríkharðsdóttur úr Sjálfstæðiflokki sem taldar eru hlynntar aðildarumsókn, tæki hún áhættu með því að greiða atkvæði gegn þingsályktunartillögu stjórnarflokkanna. Verði hún hins vegar á eftir þeim og ljóst að stjórnin fái sitt fram yrði mun auðveldara fyrir hana að ganga gegn tillögunni.
Mun fara sparlega með málskotsréttinn
„Búið að vera í dreifingu í einhvern tíma“
Á annað hundrað símtala vegna nikótínvara
Gerir ráð fyrir 150 samningum í næstu viku
Að minnsta kosti vika í nýtt gos
Segjast ekki vera á kaldri slóð
Unnu að fullum heillindum að kaupum á TM
Færa slökkviliðið til nútímans