Nú standa yfir sænskir dagar á Húsavík en Mærudagar hefjast á morgun með pompi og prakt. Mærudagar standa fram á sunnudag. Meðal þess sem er á dagskrá þessarar bæjarhátíðar húsvíkinga var sýning á verkum barna sem tóku þátt í hugmyndasmiðju.

Margt var um manninn í Barðahúsinu þar sem sýningin var haldin og að sjálfsögðu buðu börnin gestum upp á mæru.

Helsti afrakstur barnanna er Mærutréð sem húsvíkingar og góðir gestir þeirra geta litið augum fyrir framan Bókaverslun Þórarins Stefánssonar.

Tréð ber að sjálfsögðu ávöxt sem er mæra en mæra er sér húsvískt orð yfir sælgæti. Tréð er búið til úr endurnýtanlegu efni, gömlum dekkjum, netum sem átti að henda o.fl. en það var jafnframt markmið með hugmyndasmiðjunni að endurnýta hluti.

Á Mærudögunum er Húsavík skipt eftir litum í þrjú hverfi, í það bleika, græna og appelsínugula og skreyta bæjarbúar síðan híbýli sín og umhverfi og er bærinn orðinn skrautlegur á að líta.

Mærutréð er búið til úr endurnýtanlegu efni, gömlum dekkjum, netum sem átti að henda o.fl. Tréð ber að sjálfsögðu ávöxt ... Mynd Hafþór Hreiðarsson