Amfetamín mbl.is/Júlíus

Fíkniefni fundust við húsleit í íbúð í Breiðholti eftir hádegi í gær. Um var að ræða um 300 grömm af amfetamíni, eitthvað af e-töflum og talsvert af öðrum efnum sem á eftir að greina. Á sama stað var einnig lagt hald á talsvert af peningum sem grunur leikur á að séu tilkomnir vegna fíkniefnasölu sem og ýmsa muni sem tengjast fyrrnefndri starfsemi, að því er segir á vef lögreglunnar.

Karl á fertugsaldri var handtekinn í tengslum við rannsókn málsins. Hann hefur áður komið við sögu hjá lögreglu.

Fíkniefni fundust við húsleit í íbúð í Grafarvogi síðdegis í gær. Um var að ræða vel á annað hundrað grömm af amfetamíni og um 50 grömm af hassi. Innandyra voru þrír karlar á þrítugsaldri og voru þeir allir yfirheyrðir í þágu rannsóknarinnar. Mennirnir hafa áður komið við sögu hjá lögreglu.

Telur lögregla átt hafi að selja fíkniefnin um verslunarmannahelgina.