Saving Iceland: Rógburður lögreglu og lygar fjölmiðla

mbl.is/Heiddi

Saving Iceland fordæmir það sem samtökin kalla einhliða fréttaflutning fjölmiðla af mótmælum við iðnaðarráðuneytið í gær. Samtökin segja lögreglu stunda rógburð og fjölmiðla ekki minnast á ofbeldi sem lögreglan hafi beitt óspart gegn mótmælendum. „Þess í stað hafa fjölmiðlar óspart birt rógburð lögreglunnar um að sparkað hafi verið í höfuð lögreglumanns og lögreglunni ógnað með járnstöngum, án þess að nokkuð myndefni bendi til þess að slíkt hafi átt sér stað,“ segir í yfirlýsingu Saving Iceland sem send var út í nótt.

Myndband Saving Iceland af atburðum

Yfirlýsing Saving Iceland

„Í gær, Föstudaginn 7. ágúst mótmælti umhverfishreyfingin Saving Iceland við Iðnaðarráðuneytið á sama tíma og undirritun fjárfestingarsamnings ríkisstjórnarinnar og Norðuráls vegna álvers í Helguvík átti sér stað. Þegar mótmælunum var að ljúka mætti lögreglan á svæðið, handtók 5 einstaklinga og gekk sérstaklega alvarlega í skrokk á einum þeirra. Flestir fjölmiðlar hafa sagt frá atvikinu en ekki minnst á ofbeldi lögreglunnar. Þess í stað hafa fjölmiðlar óspart birt rógburð lögreglunnar um að sparkað hafi verið í höfuð lögreglumanns og lögreglunni ógnað með járnstöngum, án þess að nokkuð myndefni bendi til þess að slíkt hafi átt sér stað. Saving Iceland hafnar þessum ásökunum algjörlega og fordæmir einhliða fréttaflutning fjölmiðla.

Samningurinn sem skrifað var undir í dag gerir ráð fyrir ríkisstyrkjum til álversins í formi skattaafsláttar sem nemur 16,2 milljónum Bandaríkjadala, þ.e. tveimur milljörðum íslenskra króna, og veitir Norðuráli undanþágur frá iðnaðarmálagjaldi, markaðsgjaldi og rafmagnsöryggisgjaldi. Auk þess munu sérreglur gilda gilda um stimpilgjöld og skipulagsgjald og öryggisákvæði gilda varðandi upptöku nýrra skatta. Þær losunarheimildir sem liggja fyrir leyfa 150.000 tonna álver í Helguvík, umhverfismat 250.000 tonn en Norðurál hyggst reisa 360.000 tonna álver og samningurinn sem undirritaður var í dag tryggir fyrirtækinu rétt til þess. (1) Rafmagn til álversins hefur ekki verið tryggt og Svandís Svavarsdóttir, umhverfisráðherra hefur sagt opinberlega að ekki sé til næg orka á Reykjanesinu til að keyra álverið áfram. (2) Katrín Júlíusdóttir hefur að sama skapi tekið vel í hugmyndir um að Landsvirkjun selji orku úr fyrirhugðum virkjunum Þjórsár til álversins í Helguvík.(3)

Álframleiðsla er mengandi, hún eyðileggur vistkerfi og drepur samfélög manna og dýra. Álframleiðsla er þess fyrir utan algjör óþarfi enda þegar til nóg af endurnýtanlegu áli í heiminum. Álfyrirtækin sem starfa á Íslandi eru gegnsýrð af hömlulausri græðgi og miskunnarleysi í garð alls þess sem mögulega gæti staðið í veginum fyrir gróða. Þau hafa gerst sek um alvarleg mannréttindabrot og umhverfisspjöll hvar sem þau koma við í heiminum.  Atvinnustjórnmálamenn hafa ítrekað fórnað hugsjónum sínum (ef einhverjar voru til að byrja með) fyrir atkvæði þeirra sem hafa látið glepjast af lygavél áliðnaðarins og voninni um áframhaldandi launatékka.

Þess vegna fórum við í gær niður að Iðnaðarráðuneyti með grænt skyr í fötum og borða sem á stóð: ,,Stóriðjan græðir - Íslandi blæðir”. Skyrinu var slett yfir lúxusbifreið iðnaðarráðherrans og á veggi byggingarinnar. Borðinn var strengdur gengt ráðuneytinu.

Fyrir þessa aðgerð var fólki úr hópnum misþyrmt af lögreglu; 5 sviptir frelsinu og hnepptir í gæsluvarðhald. Lögreglumaður gekk ítrekað í skrokk á einni þeirra handteknu; tók  hana margsinnis hálstaki með þeim afleiðingum að hún átti erfitt með andardrátt, hrinti henni í jörðina og steig að lokum ofan á hana. Viðbrögð annarra sem voru á staðnum – tilraun til að stöðva lögregluofbeldið – kallaði fram fjölda kylfuhögga af hendi lögreglu.

Fjölmiðlar hafa síðan tekið virkan þátt í áróðursmaskínu þeirra sem hafa hagsmuna að gæta af undirrituninni og hafa borið upp á okkur upplognar sakir. Flestir fjölmiðlar staðhæfa að við höfum sparkað í höfuð lögreglumanns og ráðist gegn lögreglunni með járnrörum og öðrum bareflum.
Hvoru tveggja er hrein lygi og afhjúpar enn of aftur goðsögnina um hlutlausa fjölmiðlun hér á landi.

Ekkert myndefni eða önnur sönnunargögn sýna fram á að Saving Iceland hafi gert það sem fjölmiðlar staðhæfa. Það virðist sem orð lögreglunnar - auk afar vefengjanlegrar frásagnar eins ,,sjónarvotts“ - um atburði dagsins nægi fjölmiðlum til þess að birta það sem þeir álíta rétta umfjöllun um málið. Það er eðlilegt að fjölmiðlar tali við alla sem að málinu koma en þegar orð lögreglunnar eru notuð á þann veg að um heilagan sannleika sé að ræða, er óumflýjanlegt að spyrja sig fyrir hagsmuni hverra fjölmiðlar starfa. Vefsíða Morgunblaðsins birti til að mynda frétt með fyrirsögninni ,,Sparkað í höfuð lögreglumanns“, vitnað beint í orð lögreglunnar, en sýnir svo engin sönnurgögn málflutningi sínum til stuðnings. Svipaða sögu má segja um umfjöllun flestra fjölmiðla um málið.

Við vinnslu svona æsifréttamennsku notast fjölmiðlar við þá tækni að leita að viðmælendum sem segja þá sögu sem fjölmiðlarnir vilja sjálfir heyra og klippa svo eftir hentugleika. Við hjá Saving Iceland höfum í okkar fórum fjölda mynda og myndbanda sem sýna greinilega að ofangreindar sakir eiga ekki við rök að styðjast. Myndefnið sýnir hóp fólks bregðast við þeirri siðferðislegu skyldu sinni að hlaupa til varnar manneskju sem verið er að misþyrma.

Sannleikurinn er sá að töluvert ofbeldi átti sér stað við Iðnaðarráðuneytið í dag; í fyrsta lagi meðferð lögreglunnar á þeim sem voru handteknir og í öðru lagi undirritun fyrrgreinds samnings, sem er mun alvarlegri en það ofbeldi sem logið er upp á okkur. Með þessari fréttamennsku er vísvitandi verið að hylja yfir raunverulega ofbeldið. Og á sama tíma er reynt að kalla fram sundrung og ósamstöðu meðal þeirra sem barist hafa með misjöfnum hætti gegn stóriðjuvæðingu Íslands. Fjölmiðlar hafa til til dæmis birt fréttir um fordæmingu Ómars Ragnarssonar á ofbeldinu sem sagt er að hafi átt sér stað – enn og aftur án þess að birta nokkur gögn ofbeldinu til sönnunar.

Þetta er ekki í fyrsta sinn sem fjölmiðlar reyna að draga fram þessa mynd af Saving Iceland og öðrum þeim sem styðjast við beinar aðgerðir í andófi sínu gagnvart eyðileggingu náttúrulega umhverfisins og yfirgangi kapítalista og stjórnvalda. Í júlí  2007 fullyrti fréttastofa Ríkissjónvarpsins að þeir sem tækju þátt í aðgerðum Saving Iceland fengju borgað fyrir þátttöku sína, jafnvel bónusa fyrir að verða fyrir frelsisskerðingu lögreglunnar. Engin sönnunargögn voru birt málinu til stuðnings og þrátt fyrir margítrekaðar yfirlýsingar talsmanna Saving Iceland um ósannindi Ríkissjónvarpsins fékk fréttin að standa óbreytt. Þegar Saving Iceland kærði svo RÚV til Siðanefndar Blaðamannafélagsins komst nefndin að þeirri niðurstöðu að ekkert væri út á fréttaflutninginn að setja. Það eru varla miklar líkur á því að önnur niðurstaða fengist í dag ef okkur dytti í hug að fara sömu leið með fréttaflutning dagsins.

Með þessu bréfi sendum við myndir og myndband sem sýna fram á ósannindi lögreglu og fjölmiðla. Það er ekki ósanngjörn krafa af okkar hálfu að okkar sjónarmið komist til almennings og að notast verði við frásögn okkar og sönnunargögn í frekari fréttaumfjöllunum. Það er minnsta mögulega krafa okkar til þeirra stofnanna sem kenna sig við fjölmiðlun.“

Skilaboð mótmælenda eru skýr.
Skilaboð mótmælenda eru skýr. mbl.is/Jakob Fannar
mbl.is

Innlent »

Full samstaða um fjárhagsáætlunina

11:46 Fjárhagsáætlun Reykjanesbæjar 2018-2022 var samþykkt með öllum atkvæðum bæjarfulltrúa á bæjarstjórnarfundi 5. desember. Fram kemur í fréttatilkynningu að þetta sé í fjórða sinn á kjörtímabilinu sem full samstaða sé um fjárhagsáætlun. Meira »

Meira en mælanlegu hlutirnir

11:45 Hörður Arnarson forstjóri Landsvirkjunar ákvað fyrir ári að horfast í augu við hægari framgang í jafnréttismálum hjá Landsvirkjun en raun bar vitni. Hann segist fyrst og fremst stoltur af fyrirtækinu og því hversu víðtæk samstaða var að hafa málið á dagskrá. Meira »

Tekur tíma að prufukeyra ný tæki

10:49 „Þegar ný tæki koma hérna inn þarf að fara yfir þau og prufukeyra og það tekur bara sinn tíma,“ segir Margrét María Sigurðardóttir, forstjóri Þjónustu- og þekkingarmiðstöðvar fyrir blinda, sjónskerta og daufblinda einstaklinga, í samtali við mbl.is. Meira »

„Óumflýjanlegt í smáu þjóðfélagi“

10:48 Kristján Þór Júlíusson, nýskipaður sjávarútvegs- og landbúnaðarráðherra, segir það sérstaklega ánægjulegt að vera trúað fyrir embættinu af þingflokki Sjálfstæðisflokksins. Tekur hann fram að óumflýjanlegt sé, í smáu þjóðfélagi, að stjórnmálamenn þekki marga, „sérstaklega þegar viðkomandi hafa búið í sama bæjarfélagi eða unnið í sama geira“. Meira »

Líður ekki vel á gömlum sjúkrabílum

10:21 Fyrir tveimur árum rann út samningur milli ríkisins og Rauða krossins um rekstur og viðhald sjúkrabíla landsins. „Við höfum miklar áhyggjur af því að heilbrigðisráðuneytið hefur ekki endurnýjað samninginn. Ábyrgðin liggur þar,“ segir formaður fagdeildar sjúkraflutningamanna. Meira »

Katrín í París

09:18 Katrín Jakobsdóttir, forsætisráðherra, er komin til Parísar þar sem hún mun sækja leiðtogafund um loftlagsmál sem fram fer í dag. Meira »

Löggutíst á laugardag

08:58 Twitter-maraþon lögreglunnar, svokallað „Löggutíst” fer fram á laugardaginn, að því er segir í fréttatilkynningu frá þremur lögregluembættum. Meira »

Hafnar tillögum jólagjafaráðs

09:15 Jólasveinninn Stekkjastaur ætlar ekki að fara að tillögum sérstaks jólagjafraráðs jólasveinanna fyrir þessi jól. Síðustu áratugi hefur myndast sú hefð að skipað sér þriggja sveina ráð sem sér um að álykta um æskilegar gjafir í skóinn, en mikillar óánægju hefur gætt meðal jólasveinanna með störf ráðsins í ár. Meira »

Snjókoma á Hellisheiði

08:55 Snjókoma er á Hellisheiði og eins á Mosfellsheiði og á Þingvallasvæðinu. Krapi eða snjóþekja er m.a. á Hellisheiði, Lyngdalsheiði og við Þingvelli en á Suðurlandi eru þó víðast hvar aðeins hálkublettir eða jafnvel alveg greiðfært. Þæfingsfærð er á Kjósarskarði en flughált í sunnanverðum Hvalfirði. Meira »

Hægir á sigi í katlinum

08:35 Úrvinnsla mælinga úr flugferð vísindamanna yfir Öræfajökul í gær benda til þess að mjög hafi hægt á sigi í katlinum. Sigketillinn í öskju eldstöðvarinnar hefur dýpkað um 2-3 metra frá síðasta flugi sem var fyrir nærri tveimur vikum. Meira »

Hjólar hringinn í vetrarfæri

08:25 Frakkann Jean-yves Petit er nú er á tæplega tveggja mánaða hjólaferð umhverfis landið. Hann segir náttúrufegurðina mikla á þessum árstíma og þess virði að leggja svona vetrarferð á sig þrátt fyrir að vindur og kuldi taki aðeins á. Meira »

Mikil lækkun á verði notaðra bíla

08:18 Verð á notuðum bílum hefur lækkað um nærri 20% á síðasta misserinu eða svo og í sumum tilvikum mun meira. Þar ræður meðal annars sterkt gengi krónunnar sem leiðir af sér lægra verð á nýjum bílum. Það hefur heildstæð áhrif á öllum markaðnum. Meira »

Styrkur svifryks tvisvar yfir mörk

07:57 Samspil aukinnar umferðar, nagladekkja og froststilla hefur gert það að verkum að styrkur svifryks hefur tvisvar síðustu daga farið yfir sólarhrings heilsuverndarmörk við Grensásveg í Reykjavík. Meira »

Varað við mikilli hálku

06:57 Varað er við lúmskri hálku á gangstéttum og í húsagötum í efri byggðum höfuðborgarsvæðisins. Byrjað er að salta, en fyrst eru teknar allar aðalleiðir, strætóleiðir og tengileiðir, samkvæmt upplýsingum frá lögreglunni á höfuðborgarsvæðinu. Meira »

Lögblindur en fær ekki ný gleraugu

05:30 Lögblindur maður sem beitti sér fyrir því að fengin yrði til landsins ný gerð af gleraugum hefur ekki fengið að prófa þau, þrátt fyrir mikla eftirgangsmuni og loforð þar um. Meira »

Pípulagnirnar freista iðnnema

07:37 Ágæt aðsókn hefur að undanförnu verið í nám pípulögum og alls um 25 manns útskrifast frá Tækniskólanum með sveinspróf í greininni á þessu ári. Það er svipaður fjöldi og verið hefur mörg undanfarin ár. Meira »

Andlát: Jóhannes Kristjánsson

05:30 Jóhannes Kristjánsson bifvélavirkjameistari lést á dvalarheimilinu Hlíð á Akureyri laugardaginn 2. desember. Hann var fæddur 25. nóvember 1921 og því nýorðinn 96 ára. Meira »

Veltan 63% meiri en 2015

05:30 Velta erlendra greiðslukorta á Íslandi var um 188 milljarðar króna fyrstu átta mánuði ársins. Það er rúmlega 63% aukning frá 2015 og samsvarar 542 þúsund á hvern landsmann. Meira »

Börnin sem kerfið gleymdi

VW TOUAREG
VW TOUAREG ÁRG. 2004, GYLLTUR, TVEIR EIGENDUR, LJÓST LEÐUR, V8 SJÁLFSK., EK. 142...
Góður GMC Envoy SLT til sölu
Góður bíll til sölu.árgerð 2002 Sjálfskiptur, bensín, 6 cyl lína, 270 hestöfl, ...
KRISTALS LJÓSAKRÓNUR til sölu
Glæsilegar kristalsljósakrónur í falleg heimili. Handskornar kristalsljósakrónu...
 
Framhald
Nauðungarsala
Uppboð Einnig birt á www.naudungarsolu...
Styrkir virk
Styrkir
Styrkir VIRK Virk starfsendurhæfingar...
Samkoma
Félagsstarf
Samkoma kl. 20 í Kristni- boðssalnum. K...
L helgafell 6017120619 iv/v
Félagsstarf
? HELGAFELL 6017120619 IV/V Mynd af ...