Fjármögnun Íslandsbanka og Nýja Kaupþings af hálfu ríkistjórnar Íslands hefur verið tryggð samkvæmt tilkynningu frá fjármálaráðuneytinu.

Verður eigið fé Íslandsbanka 65 milljarðar króna og Nýja Kaupþings 72 milljarðar króna, sem lagt er fram í formi ríkisskuldabréfa og tryggir báðum bönkum 12% eiginfjárhlutfall.

Haft er eftir Steingrími J. Sigfússyni, fjármálaráðherra, um áfangann:
„Með ákvörðun hluthafafunda Íslandsbanka og Nýja Kaupþings um fjármögnun bankanna tveggja hefur verið stigið mikilvægt skref til endurreisnar íslenska bankakefisins. Hvað varðar samningviðræður vegna Landsbankans þá er gert ráð fyrir að þeim ljúki fljótlega.“

Var fjármögnun Íslandsbanka og Nýja Kaupþings samþykkt á hluthafafundum í dag og er hún sögð vera í samræmi við þær fyrirætlanir sem greint var frá 20. júlí s.l. og uppgjörssamninga ríkisstjórnarinnar við skilanefndir Glitnis og Kaupþings sem nú er er lögð lokahönd á.

Varðandi Nýja Landsbankann þá hafi ríkisstjórnin og skilanefnd Landsbankans farið þess á leit við Fjármálaeftirlitið að fá lengri tíma til þess að ná endanlegri niðurstöðu um endurfjármögnun og greiðslur fyrir eignir sem færðar voru úr gamla Landsbankanum yfir í þann nýja. Formlegar viðræður þess efnis hafi gengið vel.

Björk Þórarinsdóttir, staðgengill bankastjóra Nýja Kaupþings, Steingrímur J. Sigfússon, fjármálaráðherra og Hulda Dóra Styrmisdóttir formaður stjórnar Nýja Kaupþings.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 5 blogg um fréttina

Bloggað um fréttina

• Eggert Þór Aðalsteinsson: Mega við litlum áföllum
• Magnús Helgi Björgvinsson: Glæsilegt!
• Andri Geir Arinbjarnarson: ... en hversu lengi dugar þetta fjármagn?
• Jóna Kolbrún Garðarsdóttir: Endurfjármögnun tryggð
• Einar Guðjónsson: Hjá Verði