Kornskurður hafinn hjá sunnlenskum bændum
Þreskivélin bruddi í sig kornið á ökrunum í Bryðjuholti í Hrunamannahreppi. Í baksýn sést í Hvítá og Biskupstungurnar.
mbl.is/Sigurður Sigmundsson
Setja bókamerki
Kornskurður hófst í Bryðjuholti í Hrunamannahreppi í gær. Skorið var korn á sex hekturum í gær en alls eru byggakrarnir í Bryðjuholti sextán hektarar.
„Uppskeran er alveg þokkaleg en engin ofuruppskera,“ sagði Samúel U. Eyjólfsson, bóndi í Bryðjuholti. Hann sagði að aðeins hefði verið byrjað að tínast af korninu. Það er notað til fóðurs fyrir kýrnar á bænum.
Þetta var fyrsta kornuppskeran í Hrunamannahreppi í haust en kornskurður mun hafa byrjað undir Eyjafjöllum fyrir nokkrum dögum. Samúel sagði að kornið sem skorið var í gær hefði þótt of blautt svo ekki hefði gengið nógu vel að valsa það. Þess vegna hefði verið ákveðið að bíða með að skera upp af tíu hekturum þar til kornið yrði orðið þurrara.
Moses Hightower og Prins Póló gefa út eyjalag
Hernaðaraðstoð samþykkt – Vopnasendingar í vikunni
Fiskikóngurinn: „Mér fannst sárt að heyra það“
Fara ekki lengur fram á einangrun yfir Davíð
Hönnun sem bætir líf manna
Tóku upp hanskann fyrir leikskólabörn
„Skýr skilaboð til Seðlabankans“