Innlent | mbl | 7.9.2009 | 11:44 | Uppfært 12:21

Sjúkdómar vegna reykinga kosta íslenskt samfélag 30 milljarða árlega

Reykingar drepa mbl.is/Golli

Meira en 400 Íslendingar deyja árlega ótímabærum dauða vegna reykinga. Þannig deyja tíu sinnum fleiri vegna reykinga en af slysförum á Íslandi ár hvert, að því er segir í fréttatilkynningu frá Læknafélagi Íslands.

Aðalfundur og stjórn Læknafélags Íslands telja ástandið í þessum málaflokki óviðunandi og félagið hefur því boðað til Tóbaksvarnaþings næsta föstudag.

Í tilkynningu frá Læknafélaginu er talað tæpitungulaust. Þar segir:

„Á Íslandi geisar faraldur vegna reykingatengdra sjúkdóma sem kostar íslenskt samfélag tæpa 30 milljarða á ári, en tekjur ríkisins vegna tóbakssölu eru aðeins 7 milljarðar. Samkvæmt nýjum tölum frá Landspítalanum hafa 80% þeirra sem fara í hjartaþræðingu reykt. Þrír fjórðu þeirra sem liggja á lungnadeild Landspítala reykja eða hafa reykt. Hefur íslenskt samfélag efni á þessu?“

Fram kemur að reykingar séu stærsti heilbrigðisvandi þjóðarinnar. „Þrátt fyrir að skaðsemi reykinga hafi verið þekkt í rúma hálfa öld reykja enn um 20% þjóðarinnar að staðaldri. Tuttugu unglingar ánetjast tóbaki hér á landi í hverri viku. Helmingur þeirra mun látast fyrir aldur fram úr reykingatengdum sjúkdómum eins og hjartasjúkdómum, lungnasjúkdómum og krabbameini.“

Mikilvægasta aðgerðin til að breyta þessu er sögð sú að ungt fólk byrji ekki að reykja og að reykingafólk fái aukna aðstoð til að hætta að reykja.

„Þrátt fyrir mörg framfaraskref í tóbaksvörnum er staðreyndin sú að borgarar þessa lands mega reykja á almannafæri og valda með því þeim sem ekki reykja miklum óþægindum.

Komið hefur í ljós að eftir að hætt var að reykja á veitingahúsum og skemmtistöðum á Íslandi hefur bráðum kransæðaþræðingum fækkað um 20% meðal karlmanna sem ekki reykja. Þetta sýnir hvaða árangurs má vænta af því að draga enn frekar úr reykingum.“

Tóbaksvarnarþing Læknafélags Íslands verður næstkomandi föstudag. Þangað verður boðið forsvarsmönnum stjórnmálaflokka, fulltrúum stéttar- og sveitarfélaga, fulltrúum frá skólum og íþróttahreyfingunni, „til að samhæfa aðgerðir til að stöðva þennan faraldur. Þar verður m.a. rædd sú hugmynd að tóbak verði tekið úr almennri sölu á Íslandi sem markviss forvarnaraðgerð,“ segir í tilkynningu.

Innlent »

Möguleikar nýju framboðanna

16:05 Væntanlega mun ýmislegt skýrast á næstunni frekar varðandi stefnur stjórnmálahreyfinganna og hvernig þær ætli sér að skipuleggja starfsemi sína fyrir næstu þingkosningar sem verða í síðasta lagi vorið 2013 eða eftir rúmt ár en gætu skollið á hvenær sem er. Meira

Rannveig Ásgeirsdóttir, fulltrú Y-lista Kópavogsbúa og Ármann Kr. Ólafsson, sjálfstæðisflokki.

Enginn flótti af Y-lista

16:04 Rannveig Ásgeirsdóttir, bæjarfulltrúi Y-lista í bæjarstjórn Kópavogs, segir það ekki rétt að nokkur fjöldi hafi sagt sig úr Y-lista Kópavogsbúa eftir að listinn myndaði meirihluta með Framsóknarflokknum og Sjálfstæðisflokknum í Kópavogi á fimmtudaginn. Henni er aðeins kunnugt um að einn hafi sagt sig af listanum vegna þessa. Meira

Iðnaðarmaður ræsti brunaboða

15:57 Lögregla og slökkvilið voru kölluð að Kleppsspítala rétt fyrir hádegið í dag þegar brunaboði og innbrotsboði voru ræstir. Í ljós kom að iðnaðarmaður setti brunaboðann af stað með vinnu sinni og þegar hann reyndi að slökkva á honum ræsti hann óvart innbrotsboðann. Meira

Börn grétu vegna útigangsmanna

15:48 Lögreglan á höfuðborgarsvæðinu var kölluð að Klambratúni í dag þar sem útigangsmenn voru með ofstopa og ógnuðu fólki sem þar gekk um. Tilkynnandi sagði að börn hefðu orðið mjög skelfd og brostið í grát vegna þessa. Þegar lögregla kom á vettvang voru mennirnir hins vegar horfnir á braut. Meira

Slökkt á meðan Kolaportið er opið

15:26 Tollstjóri hyggst slökkva á eftirlitsmyndavélum á húsi embættisins við Tryggvagötu á meðan Kolaportið er opið. Þetta kemur fram í umsögn Persónuverndar um fyrirhugaða vöktun hússins. Meira

Búðaþjófur ógnaði starfsmanni

Maðurinn reyndi að stela vörum úr Hagkaup.

15:54 Starfsfólk Hagkaupa í Skeifunni óskaði eftir aðstoð lögreglu höfuðborgarsvæðisins á öðrum tímanum í dag. Þar hafði karlmaður reynt að stela vörum og brást illa við afskiptum öryggisvarðar. Búðaþjófurinn sem ógnaði öryggisverðinum með skærum var handtekinn og bíður skýrslutöku. Meira

Fangar reyna oft að ná í fíkniefni

15:39 Tilvik þess að fangar reyni að nálgast fíkniefni þegar verið er að flytja þá á spítala, fyrir dóm eða til tannlæknis koma reglulega upp. Þetta sagði deildarstjóri á fangelsinu á Litla-Hrauni í hádegisfréttum Ríkisútvarpsins. Því þurfi sífellt að endurskoða fangaflutninga. Meira

Skjálftahrina við Grímsey

14:48 Jarðskjálftahrina varð úti fyrir Grímsey í morgun. Á vefsvæði Veðurstofu Íslands má sjá að hrinan hófst um klukkan níu í morgun og stóð til hádegis. Stærsti skjálftinn mældist 2,3 stig, en einnig mældust skjálftar up á 2 stig og 1,9 og 1,7. Engir skjálftar hafa mælst eftir hádegið. Meira

Öskureið út í Pál Óskar

14:41 Ulker Gasanova sem fluttist til Íslands frá Aserbaídsjan árið 2001 með móður sinni, Sevil Gasanova, er ekki sátt við málflutning Páls Óskars vegna undirbúnings Evróvisjónkeppninar sem fer fram í Aserbaídsjan í ár. Meira

„Stærstu verðlaunin eru heima“

Gísli Örn Gíslason, skyndhjálparmaður ársins 2011 og dóttir hans, Sigurbjörg Jóhanna Gísladóttir.

14:30 „Það hjálpaðist allt að á þessum degi. Það var röð tilviljana sem olli því að við vorum öll heima,“ segir Gísli Örn Gíslason, sem í dag var valinn skyndihjálparmaður ársins 2011 af Rauða krossi Íslands. Hann bjargaði lífi 18 ára gamallar dóttur sinnar í fyrra. Meira

Fleiri vilja aukið íbúalýðræði

14:31 Áhugi á auknum tengslum kjósenda við fulltrúa sína hefur aukist mikið á sveitarstjórnarstiginu á umliðnum árum, og raunar einnig upp á það síðasta á landsmálastiginu. Í niðurstöðum könnunar sem unnin var fyrir innanríkisráðuneytið kemur fram að áhuginn sé heldur að aukast með stjórnmálamanna heldur en hitt. Meira

Afþökkuðu fund í forsætisráðuneyti

Jóhanna Sigurðardóttir, forsætisráðherra.

13:48 Fulltrúar sveitarstjórna sveitarfélaga á Norðurlandi vestra, SSNV, afþökkuðu boð til fundar í forsætisráðuneytinu sem halda átti 9. febrúar síðastliðinn. Meira

Óttast uppsögn

13:39 Snorri Óskarsson, grunnskólakennari við Brekkuskóla á Akureyri, telur að fundur hans á mánudaginn með skólayfirvöldum leiði til uppsagnar hans. Töluverð óánægja hefur verið vegna skrifa Snorra um samkynhneigða á bloggsíðu hans þar sem hann m.a. skrifar um samkynhneigð sem synd. Meira

Ný fiðrildategund á Íslandi

Nýjasti landneminn: fiðrildi af tegundinni Maniola jurtina sem fannst norðan Vatnajökuls.

11:13 Landvörður á hálendinu norðan Vatnajökulssvæðinu fann stórt og dökkt fiðrildi þar síðastliðið sumar. Talið var í fyrstu að um aðmírálsfiðrildi væri að ræða en þegar myndir af fiðrildinu bárust Náttúrustofunni var ljóst að um eitthvað allt annað og mun sjaldgæfara var að ræða. Meira

Ráðist á mann á áttræðisaldri

10:02 Karlmaður á áttræðisaldri liggur alvarlega slasaður á sjúkrahúsinu á Akureyri eftir líkamsárás á Þórshöfn í nótt. Árásarmaðurinn, sem er tuttugu og þriggja ára gamall karlmaður, hefur verið handtekinn. Meira

Játaði sprengjumálið

Frá vettvangi sprengjunnar á Hverfisgötu

12:23 Karl á áttræðisaldri hefur játað aðild sína að sprengjumálinu svokallaða. Hann mun hafa verið einn að verki og liggja aðrir ekki undir grun en málið telst upplýst og hefur manninum verið sleppt úr haldi. Meira

„Mjög hrottafengin árás“

10:29 „Þetta var mjög hrottafengin árás,“ segir talsmaður lögreglunnar á Húsavík, en 71 árs gamall karlmaður var barinn og skorinn með hnífi á Þórshöfn seint í gær. Árásarmaðurinn, karlmaður á þrítugsaldri, var handtekinn á staðnum og segir lögregla að um hafi verið að ræða uppgjör áratugagamals máls. Meira

Hass og árás á leigubílstjóra

09:21 Nokkuð erilssamt var hjá lögreglunni á höfuðborgarsvæðinu í gærkvöldi og í nótt. Meðal verkefna lögreglu voru hassreykingar unglinga, akstur gegn rauðu ljósi, afskipti af fjölda gesta á skemmtistöðum og árás á leigubílstjóra Meira