Ríkiskaup auglýsa um helgina eftir húsnæði til leigu fyrir Fangelsismálastofnun undir fangelsi. Segir Páll Winkel, forstjóri stofnunarinnar, að um bráðabirgðaráðstöfun verði að ræða en ætlunin er að taka húsnæði á leigu í tvö ár með möguleika á framlengingu leigusamnings.

 „Að sjálfsögðu verður haldið áfram með langtímauppbyggingu, það er að segja að byggja móttöku og gæsluvarðhaldsfangelsi í Reykjavík.

Staðan hefur verið það erfið að við einfaldlega höfum ekki pláss fyrir þá fanga sem við þurfum að taka inn,“ segir Páll og segir að í flestum fangelsum landsins sé tvímennt í klefa vegna rýmisskorts.

Páll segir að til standi að vista aðeins „fyrirmyndarfanga“ á nýja staðnum, allt að 26 manns. „Við erum þarna til dæmis að tala um menn sem geta verið að klára margra ára dóma.“

Verða fangar valdir á grundvelli áhættumats og þeir sem ekki er talið óhætt að vista utan veggja hinna eiginlegu fangelsa munu afplána sína dóma þar.

Enn hafa engin tilboð borist enda er stutt síðan auglýst var eftir húsnæðinu. skulias@mbl.is