Herjólfur er kominn úr slipp á Akureyri og kemur til áætlunarsiglinga klukkan 08:15 laugardaginn 26. september, að því er fram kemur á heimasíðu skipsins. Á Akureyri var meðal annars gert við annan veltiugga Vestmannaeyjaferjunnar.
Breiðafjarðarferjan Baldur hefur annast ferjusiglingar milli lands og Eyja meðan Herjólfur hefur verið til viðgerðar á Akureyri. Baldur má ekki sigla þegar ölduhæð á dufli við Surtsey er yfir 3,5 metra og hafa nokkrar ferðir fallið niður vegna veðurs.