Össur Skarphéðinsson utanríkisráðherra. Kristinn Ingvarsson

Hollendingar og Bretar leggja þunga áherslu á að sett verði trygging fyrir því að Ísland greiði það sem kann að verða ógreitt af Icesave-láninu þegar ríkisábyrgðin fellur niður. Þetta kom fram á fundi Össurar Skarphéðinssonar utanríkisráðherra með utanríkisráðherrum Breta og Hollendinga, að sögn Ríksiútvarpsins.

Össur átti fund með þeim David Miliband, utanríkisráðherra Bretlands, og Maxime Verhagen, utanríkisráðherra Hollands, áttu í gær í höfuðstöðvum Sameinuðu þjóðanna í New York. Össur sagði við RÚV að formleg viðbrögð ríkjanna tveggja liggi ekki fyrir. Hann sagði að snörp orðaskipti hafi verið á fundinum og að ráðherrarnir hafi ræðst við í hreinskilni.

Össur kvaðst hafa kynnt málstað Íslendinga skýrum orðum og viðmælendur hans hafi ekki skafið utan af skoðunum sínum.  Hann sagði þá, ekki síst Hollendinga, leggja mikla áherslu á að skýr trygging verði sett fyrir því að það sem standa kann útaf af láninu árið 2024, þegar ríkisábyrgðin fellur niður, verði greitt. 

Aðspurður um stöðuna í Icesave-málinu taldi Össur að þess yrði freistað á næstu dögum að fá botn í deiluna og leggja fram hugmyndir sem þjóðirnar þrjár gætu sæst á. Til þess verði Bretar og Hollendingar að koma töluvert til móts við óskir Íslendinga.