Innlent | mbl | 30.9.2009 | 14:50 | Uppfært 15:29

Stendur og fellur með VG

Sigmundur Ernir Rúnarsson

„Mitt fyrsta mat er að stjórnin lifi þetta af en nú verða þeir sem helst hafa fylgt Ögmundi að málum innan Vinstri grænna að gera upp hug sinn um hvoru megin línunnar þeir vilja stíga,“ segir Sigmundur Ernir Rúnarsson, þingmaður Samfylkingarinnar. Hann segir að stjórnin þurfi stuðning ef ekki náist eining innan VG um Icesave-málið.

Hann segir það svo að eining innan VG skeri úr um áframhaldandi stjórnarstamstarf, náist ekki eining þurfi stjórnin á stuðningi að halda „Þá finnst mér það eðlilegasti kosturinn að halla sér að þeim sem eru næstir okkur í pólitík,“ segir Sigmundur og segir áframhaldið verða að koma í ljós.

Hann segir hljóðið ágætt í Samfylkingarmönnum en þeir bíði eftir útskýringum Ögmundar á þessu útspili. „Við héldum að hann væri orðinn skólaðri í pólitík en þetta,“ segir Sigmundur.