Innlent | mbl | 3.10.2009 | 16:08 | Uppfært 18:58

Kreppan eins og prump í eilífðinni

Anna Pála Sverrisdóttir.

Anna Pála Sverrisdóttir, fráfarandi formaður Ungra jafnaðarmanna, ungliðahreyfingar Samfylkingarinnar, lagði mikla áherslu á umhverfis- og náttúruverndarmál í ræðu sinni á landsþingi UJ í Iðnó í dag.

Kvaðst hún stolt af einarðri afstöðu UJ í þeim málum. Fyrsta verk hennar í stjórn hefði verið að keyra austur fyrir fjall upp að neðri Þjórsá til að afhenda bændum aðdáendabréf fyrir þeirra baráttu gegn átroðslu Landsvirkjunar.

Það væri baráttumál ungs fólks í Samfylkingunni að hafna frekari uppbyggingu álvera þar með talið í Helguvík og á Bakka - framtíðin geti verið meira spennandi. ,,Efnahagskreppan núna er eins og prump í eilífðinni, miðað við það sem bíður okkar, ef við bregðumst ekki strax við loftlagsbreytingum. Gerum eitthvað í þessu!" sagði Anna Pála, samkvæmt tilkynningu frá UJ.

Anna Pála sagði að Icesave málið væri lausaleikskrógi Sjálfstæðisflokksins og Framsóknar. Ljóst væri að Samfylkingin þyrfti að ganga því í föðurstað. ,,Samfylkingin axlar ábyrgðina; ætlar að klára málið og sjá um að reka þetta land."

Anna Pála gerði einnig athugasemdir við hversu mikill niðurskurður væri boðaður á Tækniþróunarsjóði, hvatti til umbóta í málefnum hælisleitenda og baráttu fyrir réttindum samkyhhneigðra á alþjóðavettvangi og sagði inngöngu í ESB mikilvægasta liðinn í uppbygginu Íslands.

Anna Pála sagðist vilja, að Íslendingar beiti sér markvisst fyrir réttindum samkynhneigðra á alþjóðavettvangi. Ísland geti verið mikilvæg fyrirmynd en hrikaleg mannréttindabrot séu framin gegn samkynhneigðum á hverjum degi um heim allan, líka í næstu nágrannalöndum Íslands. Hún sagði að þó Ísland standi framarlega í réttindamálum samkynhneigðra megi samt alltaf gera betur.

„Þannig vil ég ein hjúskaparlög strax af því að það á ekki að skipta máli hverjum maður verður ástfanginn af og vill giftast. Við höfum lesbíu sem formann Samfylkingarinnar og forsætisráðherra. Það er magnað. Verst að ég sjálf kom ekki út úr skápnum fyrr en fyrir nokkuð stuttu. Þetta hefðu getað orðið góðar fyrirsagnir: Samfylkingunni er stjórnað af lesbíum."

Í lok ræðu sinnar minntist Anna Pála á það þegar hún, fyrir ári, sagði í ræðu á landsþingi 2008 að Davíð Oddsson væri efnahagslegt gereyðingarafl. ,,Fólk tók þessu ekki alvarlega þá. En þetta urðu aldeilis áhrínisorð," sagði Anna Pála kvaðst vilja fara með fleiri áhrínisorð: ,,Bjarni Benediktsson er róttækasti feministi Íslands. Sigmundur Davíð mun í alvöru redda 2000 miljarða króna láni á 4 % vöxtum," sagði hún þá. Að ári liðnu mætti sjá hversu sannspá hún hafi orðið í þetta skiptið.

Innlent »

Framboð auglýst innan viku

17:06 Ráðuneyti innanríkismála mun innan viku ljúka yfirferð framlagðra gagna þeirra einstaklinga sem boðið hafa sig fram til embættis forseta Íslands og í kjölfar þess birta auglýsingu um það hverjir verða í framboði í forsetakosningunum sem fram fara 30. júní næstkomandi. Meira

Fjórar finnskar þotur til Íslands 2015

16:29 Finnar áforma að taka að sér loftrýmisgæslu á Íslandi í þrjár vikur árið 2015 og senda hingað til lands í því skyni fjórar F-18 Hornet orrustuþotur og 50 manna starfslið. Þoturnar verða sendar hingað til lands í tengslum við norrænt samstarf um loftrýmisgæslu við Ísland en um verður að ræða stærsta norræna varnarsamstarfið til þessa. Meira

Kæru vegna sameiningar hafnað

15:41 Innanríkisráðuneytið hefur hafnað kröfu sem því barst í júní á síðasta ári um að sameiginlegar skólastofnana í Reykjavík yrði dæmdar ólögmætar en úrskurðurinn barst kærandanum, Sigríði Jónsdóttir, í gær. Meira

Bryan Ferry lendir

15:10 Söngvarinn Bryan Ferry lendir í Keflavík nú síðdegis. Að sögn Steinþórs Helga Arnsteinssonar dvelst Ferry hér fram á þriðjudag og hlakkar mikið til að sækja landið heim. Meira

Bjart og hlýtt fyrir austan - 21 gráða mældist á Hallormsstað

14:24 Milt og hlýtt veður er um austanvert landið. Hvassara og bleyta á Vestfjörðum. Rigningu er spáð um mestallt land í kvöld en lægir yfir nóttina og birtir til á morgun. Meira

Ungu Evrópu dreift til ungs fólks

15:14 „Mikilvægt er að vanmeta ekki þátt ungmenna í þeirri umræðu sem nú stendur yfir um aðildarumsókn Íslands að Evrópusambandinu,“ segir í fréttatilkynningu frá Ungum Evrópusinnum. Meira

Evróvisjón með viðbættu tísti

Svona mun skjárinn líta út hjá þeim sem eru með myndlykil frá Vodafone og stilla ...

14:35 Þeir Evróvisjónáhorfendur sem vilja sjá skoðanir annarra Íslendinga á frammistöðu keppenda geta í kvöld stillt á sérstaka sjónvarpsrás, þar sem tíst-straumur birtist með útsendingu Ríkisútvarpsins. Meira

Hvítasunnuhelgin fer vel af stað

13:34 Hvítasunnuhelgin, fyrsta stóra ferðahelgi sumarsins, hefur farið vel af stað um land allt og umferð gengið áfallalaust. Ýmislegt er í boði um landið m.a. hópreið hestamanna á Selfossi, blúshátíð á Hvolsvelli, vísindaveisla á Ísafirði og á Skagaströnd verða listamenn með opið hús. Meira

Segir LA hafa fengið tekjurnar

13:12 Það er rangt að tekjur af miðasölu Leikfélags Akureyrar af sýningunni Gulleyjunni, sem var í samstarfi við Borgarleikhúsið, hafi runnið suður til Reykjavíkur. LA fékk allar tekjur af sýningunni í vetur. Þetta segir Eiríkur Haukur Hauksson, framkvæmdastjóri Leikfélags Akureyrar. Hann segir fréttaflutning, þar sem annað er gefið í skyn, óheppilegan bæði fyrir LA og Borgarleikhúsið. Meira

Þvert á stefnu ríkisstjórnarinnar

12:09 Jón Bjarnason, þingmaður Vinstri grænna og fyrrverandi landbúnaðar- og sjávarútvegsráðherra, segir framgöngu Landsbankans vera eins og stríðsrekstur og að hún gangi þvert á stefnu ríkisstjórnarinnar í byggðamálum. Jón hefur farið fram á að sérstök umræða fari fram á Alþingi um málið sem allra fyrst. Meira

Þúsund hesta hópreið á Selfossi

Reiknað er með allt að þúsund hrossa hópreið á Selfossi.

12:42 Hross og reiðmenn fjölmenna á Selfoss í dag en vígja á nýja reiðhöll, Sleipnishöllina, í bænum. Meira

Þarf meiri tíma til að finna lausn

10:01 „Við vorum með frumvarp um kirkjugarðana á okkar vinnsluborði en það reyndist þurfa meiri skoðunar við innan stjórnsýslunnar,“ segir Ögmundur Jónasson innanríkisráðherra um fjárhagsvanda kirkjugarða landsins. Meira

Bangsi fer með í Græna herbergið

Greta Salóme Stefánsdóttir á æfingu í Kristalshölllinni í Bakú í gær.

09:59 Íslenski Evróvisjónhópurinn býr sig nú undir lokaæfinguna í Kristalshöllinni í Bakú. Þau eru ekki hjátrúarfull, en segjast hafa tröllatrú á bangsa sem prýddur er íslenska fánanum. Þau munu halda frá Aserbaídsjan skömmu eftir að keppni lýkur. Meira

Nefnd fer yfir vegi og skipulag

09:01 Í ráði er að skipa nefnd til að fara yfir lög og hlutverk sveitarfélaga og ríkisins við ákvarðanir um lagningu vega þar sem ágreiningur er á milli Vegagerðarinnar og sveitarfélaga. Meira

Meiri útgjöld í hreinsun á veggjakroti

07:43 Reykjavíkurborg hyggst auka útgjöld til hreinsunar á veggjakroti á þessu ári. Undanfarin ár hefur hreinsun að mestu verið innan miðborgarinnar en úthverfin hafa setið á hakanum. Meira

Alvarlegar tannskemmdir hrjá hesta

09:49 Í vor gafst íslenskum dýralæknum tækifæri til að auka við þekkingu sína í greiningu og meðhöndlun á tannvandamálum og öðrum meinum í munni hesta. Auk lifandi hesta með og án þekktra vandamála var unnið með hrosshausa sem safnað hafði verið í sláturhúsi. Meira

Lét dólgslega og stökk í sjóinn

08:21 Karlmaður á þrítugsaldri gisti fangageymslur lögreglunnar á Akureyri í nótt, eftir að hafa látið dólgslega í miðbæ bæjarins og lagst að því búnu til sunds í sjónum. Maðurinn var afar ölvaður að sögn lögreglu. Meira

Störfum í bönkum fækkað um 2.000

Friðbert Traustason. Formaður Sambands íslenskra bankamanna .

05:30 Störfum hjá fjármálafyrirtækjum hefur fækkað um 2.000 frá því vorið 2008. Útibúum bankanna hefur fækkað um helming á sama tíma. „Þetta hefur verið hreint hörmungarástand,“ segir Friðbert Traustason, formaður Samtaka starfsmanna fjármálafyrirtækja. Meira