Vegurinn um Arnkötludal hefur nú verið opnaður fyrir umferð, segir í tilkynningu um færð á vegum, frá Vegagerðinni. Vegfarendur eru þar beðnir um að kynna sér veðurspá og skilyrði til aksturs áður en haldið er af stað í ferðir.

Færð
Hálkublettir eru á Hellisheiði.

Á Vesturlandi eru hálkublettir á Holtavörðuheiði og á Bröttubrekku. Hálka er á Fróðárheiði.

Á Vestfjörðum eru hálkublettir í Ísafjarðardjúpi og  á Steingrímsfjarðarheiði og um Arnkötludal. Hálkublettir eru á Ströndum. Þungfært er norðan Bjarnafjarðar. Hálka er á Gemlufallsheiði. Ófært er á Hrafnseyrarheiði og þungfært  á Dynjandisheiði og í Trostansfirði. Hálka er á Hálfdáni og hálkublettir   á Kleifaheiði og á Klettsháls. Ófært er um Tröllatunguheiði og  Þorskafjarðarheiði.

Á Norðurlandi eru hálkublettir á Þverárfjalli og hálka á Vatnsskarði og Öxnadalsheiði. Hálkublettir  er á Víkurskarði. Snjóþekja er við Mývatn og í kringum Húsavík.  Ófært er á Öxarfjarðarheiði og á Hólsandi.

Austanlands er hálka á Möðrudalsöræfum og ófært á Hellisheiði eystri. Snjóþekja er á Vopnafjarðarheiði , Sandvíkurheiði og Hálsum. Hálka er á Fjarðarheiði, Fagradal og á Oddskarði. Þæfingsfærð er á Breiðdalsheiði. Ófært er á Öxi.

Á Suðausturlandi eru vegir auðir.

Allri þjónustu á hálendisvegum er lokið
Allri þjónustu Vegagerðarinnar á hálendisvegum er nú lokið þetta árið. Víða er orðið ófært á þeim leiðum eða færð farin að spillast og alls ekki  ráðlegt að fara um þær leiðir nema á sérútbúnum ökutækjum.

Lokanir
Vegna endurbóta á gatnamótum Kringlumýrarbrautar og Borgartúns verður Borgartún austan Kringlumýrarbrautar að Laugarnesvegi lokað fram undir miðjan október.  Vegfarendur og íbúar eru beðnir velvirðingar á óþægindum sem lokunin kann að valda.

Tafir
Verið er að breyta gatnamótum Kringlumýrarbrautar og Suðurlandsbrautar/Laugavegar  og verða einstaka akreinar á gatnamótunum lokaðar tímabundið eða þrengt að á afmörkuðum svæðum. Að auki þarf að loka stöku gönguleiðum tímabundið. Áætluð verklok eru 1. nóvember 2009.