Lífskjör best í Noregi

Samkvæmt nýrri lífskjaravísitölu Þróunarstofnunar Sameinuðu þjóðanna er Noregur í efsta sæti, annað árið í röð. Listinn er birtur á hverju ári og er lagt mat á lífsgæði í 182 ríkjum. Ísland, sem deildi efsta sætinu með Noregi í fyrra, er nú í þriðja sæti. Það er hins vegar tekið fram að útreikningurinn byggir á tölum frá árinu 2007, eða fyrir hrun.

Ljóst er að efnahagshrunið mun hafa áhrif á lífsgæði í mörgum löndum.

Noregur fær einkunnina 0,971. Ástralía kemur næst á eftir með einkunnina 0,970 og Ísland fékk 0,969. Bandaríkin eru í 13. sæti, Danmörk í því 16. og Bretland í 22. sæti. 

Níger er á botninum með einkunnina 0,340, ásamt Afganistan (0,352) og Sierra Leone (0,365).

Skýrsla Þróunaráætlunar SÞ hefur verið gefin út árlega frá árinu 1990 og þar er lagt mat á fjölda hagstærða og annarra þátta, sem hafa áhrif á lífsgæði í löndunum.

Listinn yfir 10 efstu löndin er eftirfarandi:

1. Noregur
2. Ástralía
3. Ísland
4. Kanada
5. Írland
6. Holland
7. Svíþjóð
8. Frakkland
9. Sviss
10. Japan

• 4 blogg um fréttina

Bloggað um fréttina

• Finnur Bárðarson: Glæný frétt frá 2007
• Tollinn: 1907?
• Einar Guðjónsson: Almenningur á Íslandi ekki með í þessum tölum
• Vilhjálmur C Bjarnason: Hundrað og...............